دموع السيف ٧ هايدى الصعيدى

رجع ابتسم وهو بيتخيله قدامه بيقوله الكلام دا

: الله يرحمك يا يوسف

………

في مكان تاني في الشركه عند الثنائي المجنون

فارس خرج من مكتب سيف وفضل يسأل على مكتب ندى لحد ما وصله وقبل ما يوصل كانت دموع عند ندى وبيتكلموا

ندى بغيظ : انا مش فاهمه ايه اللي غيره كده دا عايزني انا ادرب ابو شخه دا

ضحكت دموع بصوت عالي وهي بتقول برقه

: عيب يا ندى كده وبعدين ده عيل صغير

: يا شيخه اسكتي انتي مشوفتيش حاجه دا انسان وقح ونظراته تحسسك انك عريانه قدامه عيل قال

لسه دموع هترد دخل فارس علي طول من غير ما يخبط واول ما شاف دموع قال

: الله… دا النووي كله هنا.. مش تقولو طيب

: اتفضلي.. قال عيب يا ندى قال

قالتها ندى بغيظ وهي بتشاور على فارس وبعدين بصت لدموع اللي ماسكه الضحكه بالعافيه

: اهلا يا استاذ فارس نورت الشركه

: اكتر من كده نور الشركه هتولع يا دموعي كفاية نوركم

دموع ضحكت من كلامه وجنونه

: وبعدين ايه استاذ فارس دي… انتي تقوليلي فارس علي طول دا احنا جيران حتى

دموع ببتسامه

: ماشى يا زي ما تحب يا فارس … وكملت وهي بتبص لندى… طب يا ندوش اسيبك انا وروح أكمل الشغل اللي سلمهولي الاستاذ سيف.. ربنا معاكي يا حبيبتي

فارس وهو بيبص على مؤخرة دموع وهي خارجه

: ليه كده…يا دودو بس

: فارس بيييييه

قالتها ندى بصوت عالي وهي بدب على المكتب بعصبيه عشان ينتبه ليها بعد ما خدت بالها من نظراته الوقاحه

: قلب فارس بيه

عضت ندى على شفايفها بغيظ من بروده.. بس حركتها دي دوبت قلب فارس وهو مركز في الشفايف وهو بيقول في باله ( لا لا متعضيش عليهم جامد كده امال انا مهمتي ايه)

ندى بجديه وهي بتحاول تمسك اعصابها من نظراته الوقحه

: بص يا فارس بيه مبدأيا كده وقبل اي حاجه… ذوقياً المفروض حضرتك وانت داخل مكتب عارف ان اللي جوه بنت لازم تخبط الأول

: بيبيع ايه ذوقياً دا انا معرفوش

ندى كانت هتشد في شعرها من ردوده وقالت وهي بتجز على سنانها

:انا غلطانه ليك سوري.. اقعد بقا يا كوكو خلينا ندخل في الشغل على طول عشان ننجز انا عندي شغل كتير غير حضرتك… ممكن تجيب الكرسي بتاعك جامبي عشان الشغل هيبقا على الاب توب

: ممكن جداااا

قالها فارس بحماس وهو بيخطف الكرسي خطف ولزقه في الكرسي بتاعها

: وبعدين مالك.. كوكو كوكو شيفاني برضع في الدندودو ولا ايه طنط