دموع السيف ٧ هايدى الصعيدى

: يكش تولع مش هعملها هقضيها انا شغل اندر ايدچ ولا ايييه

وبعد شويه وبصعوبه عينه غفلت ويدوب نام ساعتين وصحي على صوت المنبه قام خد شور وغسل اسنانه وحط المرطب علي ايده ووشه سرح شعره الناعم الكثيف رش برفانه علي جلده العريان وبدأ يلبس بدله رسمي سودة بس بدون كرافيت عشان بتخنقه



وطلع يعمل فنجان قهوة بدل ما هو مقريف ونايم الصبح غير طبعا السم الي ضارب ف دماغه وقايم بزعبيبه

ساعه وكان في الشركة دخل قعد علي المكتب وهو مستني حضورها ف اي لاحظه

باااك …

سيف وقف بعد ما دموع طلعت وخد السجاير والفون بتاعه ونزل تحت ودخل الكافتيريا

قرب الساعي منه : أمورني تشرب ايه ي سعادة البيه

سيف بص عليه وشافه راجل عجوز وفتكر ابوه وقلبة وجعه

: ميأمورش عليك ظالم يا عم… اسم الكريم ايه

الساعي : خدامك سعد يا باشا

سيف : كلنا خدمين لقمة العيش انا ولا باشا ولا بيه يا عم سعد هتلي قهوة سادة بعد اذنك ..

سعد بفرحه : ربنا يكرم اصلك يا بني من عيوني

سيف ابتسم له بهدوء وولع سجارة وهو بيدخن بشرود

قربت منه ياسمين اللي لسه وصله مع تميم

: الله ده سيف باشا جاي من الفجر ولا ايه صباحك عسل يا سيلفر

سيف اتعدل وطفي السجارة

: صباح الفل يا قمري عامله ايه ..صحيت بدري قولت اسبقكم

ياسمين ابتسمت بحمااس : ياااه علي الحمااااس بجد مبسوطه اووي ان احنا هندير الشركة مع بعض اكيد هنطلع شغل هايل

سيف ابتسم : انشالله يا حببتي يلا اطلاعي شوفي الدنيا وانا هشرب فنجان قهوة وجاي وراكي

ياسمين اومأت بعد ما مسكت ايده : بجد شكرا يا سيف

سيف اومأ ليه ببتسامه هادية

وشاف تميم الي قاعد يشرب قهوة ونظراته بطق شرار

سيف ف باله.. ( كان نقصني عاشق متيم غيور لا وصعيدي كمان الله يخربيتك يا ياسمين ده نظراته فضحاه)
5

وبتسم بسخريه وخد السجاير بتعته وقرب منه قعد ع نفس التربيزة

: صباح النور يا تميم

تميم بجدية : صباح الخير يا باشا

سيف بضحكه : يادي باشا وربنا انا هنا زي زيكم يا جدعان شغال فيها زي زيكم مش ابن صاحب
الشركة متقلقش

تميم بهدوء :العفو مقامك محفوظ يا سيف بيه

سيف مدله سجارة : خد بس وروق كده بدل مانت عنيك بطق شرار من صباح ربنا

تميم خد السجارة ببتسامه بسيطه : ولا شرار ولا حاجه يا سيف باشا

سيف : باشا فينك يا يوووسف تسمع ههههه ربنا يرحمك يا صحبي والله انا ولا باشا ولا بيه
ولا ليا ف الجو ده اصلا بس هتلقيني جدع مع
الجدع ابن بلد و باشا وبيه مع الي شايف
نفسه زيادة عن البشر والجلاله وخداه
انا سيف و سيلفر يا تميم مش باشا