دموع السيف ٧ هايدى الصعيدى

فارس ضحك بصوت عالي : حبيبي يا برووووو

اما ندى كانت مصدومه و مستغربه وبصت لفارس من فوق لتحت وهي شيفاه عيل طايش واكيد مش قد شغله دا وجاي يلعب وقالت برفعة حاجب

: نعم… ادربه!؟

فارس : اه تدربيني

سيف ببروده اللي متسلح بيه من اول اليوم

: ايوه يا انسه ندى في اعتراض

: سوري يعني بس دراسة فارس باشا ملهاش علاقه بالشغل بتاعنا الا لو كان هيمسك حاجه في الاداره ودا طبعا مش تخصصي

: لا متقلقيش انتي انا بفهم في كل حاجه وعجبك

طبعا هو قصده على حاجه تانيه مش الشغل خالص

ندى بصتله من تحت لفوق ومدتهوش اهتمام ورجعت بصت لسيف وقالت

: معلش يا فندم بس دا مش من اختصاصاتي اصلا ممكن تسلمه لحد تاني

: لاء انا عايزك انتي

قالها فارس بوقاحه وهو بيكلها يعنيه

سيف بص لفارس بجديه عشان يسكت وبعدين بص لندى بنفس البرود وقال

: وانا خليته من اختصاصاتك يا انسه ندي عندك اي اعتراض

ندى ببتسامه مضغوضه وهو متاغظه منه اصلا بسبب الي عمله ف دموع وهي مسحوله برا

: لا يا فندم انا تحت امرك… اي أوامر تانيه

سيف ابتسم ببرود : حاليا لاء… اتفضلي على مكتبك دلوقتي وفارس هيحصلك

اومأت ندى برأسها وبصت لفارس اللي مسبلها بعنيه بغيظ وطلعت… واول ما طلعت قام فارس علي طول وهجم على سيف وهو بيحضنه

: والله يا برو انا لو ليا اخ مكنش هيبقا في جدعنتك دي

: اقعد يا اذكي اخوتك اقعد يا كوكو

قالها سيف وهو بيفك أدين فارس من حولين رقابته

: حاضر اللي انت شايفه يا غالي.. انا والله ما عارف اقولك ايه… يا ديييني دا انت وفرت عليا دخله طويله

: انا ظبتك اهو وريني شطرتك بقا ومتكسفناش

: عيب عليك.. هبهرك
5

قالها فارس بكل حماس وبعدها قال وهو متجه للباب

: يلا اطير انا بقا عشان عندي شغل مستعجل

قالها بغمزه وبتسامه لعوبه وبعدها فتح الباب وخرج وهو كله حماس للي جاي… وسيف كان بيبصله بابتسامه وفتكر نفسه لما كان في سن فارس وكان في نفس صياعته ويمكن اكتر منه وافتكر قد ايه كان بيحب الحياه وكان مقضيها مع يوسف في فرنسا وكل يوم كان ليهم مغامره شكل

اتنهد بهم واختفت ابتسامته وهو بيقول

: الله يرحمك يا صحبي… تعالي شوف حال صاحبك … لو كنت عايش كان زمانك شمتان فيا ما هو كله من دعاك عليا… كان زمانك بتقولي جيه اليوم اللي اشوفك فيه متعذب من الحب يا سيلفر يا بركة دعايا عليك يا صاحبي.