قلوب حائرة ٤٦ج٢ روز آمين

ضحكت سارة وخبأت وجهها خجلاً أما يُسرا فتحدثت بملاطفة:
-إحنا فين والولادة فين يا ياسين،دي لسة في السابع

أكملت علي حديثها نرمين قائلة بمداعبة لياسين:
-يمكن عاوز البيبي يتولد إبن سبعة ويبقي نرفوز زي بنته

هتفت إبتسام وهي تتحسس بطن زوجة ولدها:
-يتولد براحته محدش مستعجلة،أهم حاجة ينزل بخير وينور حياة جدو حسن وجدته بسمة

أمن الجميع علي حديثها،أما مليكة فاتسعت عيناها وأردفت باعتراض وهي تنظر إلي نرمين:
-بطلي إفتري يا نرمين،بقي مِسك الرقيقة اللي زي النسمة خلتيها نرفوزة؟

بمشاكسة تحدث ياسين ليُخرج حالهُ من تلك المشاعر السلبية:
-سيبيها تتكلم براحتها،بكرة تيجي تتحايل عليا علشان أوافق علي خطوبة النرفوزة اللي مش عجباها دي لسي رائف إبنها

بنبرة ساخرة اردفت يُسرا بمداعبة لشقيقتها:
-أدي كلمتك جت علي دماغ إبنك يا نرمين، إشربي بقي يا حبيبتي

إبتسمت ثُريا وأردفت بنبرة حنون:
-هو أنتوا صدقتوا كلام نرمين بردوا،دي بتعشق مِسك وكل يوم لازم تيجي علشان تشوفها وتقعد معاها
واستطردت قاصدة بحديثها ياسين:
-دي بس بتحب تناغشك يا ياسين

إبتسمت نرمين وتحدثت إلي والدتها:
-سيبي كل واحد يطلع اللي في قلبه علشان أعرف الحقايق يا ماما

عقب ياسين قائلاً بنبرة صادقة:
-قلبي ما فيهوش غير كُل الخير ليكِ إنتِ ويُسرا يا نرمين

أجابتهُ بعيناي متأثرة:
-عارفة والله يا ياسين،ربنا يخليك لينا وتفضل سندنا وراجلنا بعد بابا ورائف الله يرحمهم

شكرها بعيناه،شعرت نرمين بكفاي زوجها الذي أحاط كتفاها برعاية ثم تحدث إلي ياسين:
-ألف مبروك يا ياسين،عقبال ما تجوز إخواتها

أجابهُ بهدوء:
-تسلم يا سراج،عقبال ما تجوز رائف

شكرهُ ثم تحدث إلي زوجتهُ الحبيبة:
-يلا يا حبيبتي علشان نبارك للعرسان ونتصور معاهم

تحدثت نرمين وهي تتأهب للوقوف:
-يلا يا حبيبي

تحدثت سارة وهي تتنسند علي كَتف والدتها كي تستطيع الوقوف:
-خُديني معاكِ يا خالتو علشان رؤوف شكله إنسجم مع خالو طارق ونسيني

ساعدتها يُسرا علي الوقوف وتحدثت بنبرة حريصة:
-بالراحة وإنتِ طالعة السلالم عند العرسان يا سارة

نظرت لها سُهير بتعجُب وتحدثت:
-سلالم إيه اللي هتاخد بالها منها يا يُسرا،دول كلهم تلات درجات يا حبيبتي
واسترسلت بنُصحٍ:
-سيبي البنت تتحرك وتمشي،الحركة حلوة للحوامل هو أنا اللي هقول لك،ما تقولي لها حاجة يا ثُريا إنتِ وإبتسام