قلوب حائرة ٤٦ج٢ روز آمين
مش أرقص!
هتف الصغير وتحدث بغيرة رجولية لا تتناسب مع حداثة سِنهِ:
-أنا نبهتك وقولت لك لو رقصتي مع رائف تاني همنعك ترقصي خالص،وإنتِ اللي مش سمعتي الكلام
تحدث طارق الذي حضر للتو بنبرة حاسمة كي يحث الصغير علي التراجع ويفض ذاك الإشتباك:
-وبعدين يا عزو،بَطل تضايق أختك بتحكماتك الفاضية دي،ولعلمك،بابا لو شاف مِسك وهي زعلانة كدة هيخرب الدُنيا
واستطرد لاخافته:
-ما انتَ عارف هو قد إيه بيتجنن ويتحول لما بيلاقي حد مزعلها
تذمر الصغير ونطق بملامح وجه مُستاءة:
-يعني كويس إنها مش بتسمع كلامي يا عمو؟
نطق طارق بنبرة متعجبة:
-إنتَ مالك نافش ريشك وعامل علينا دَكر كدة ليه يَلاَ؟
تذمر الصغير حين قهقه عز عندما تطلع إلي الصغار ورأي رائف مُنسجماً وهو يرقص مع ساندرا فتحدث ليُنهي ذاك الجدل العقيم:
-طب روح يا حِمش شوف ساندرا علشان تقريباً كدة رائف شقطها مِنك يا حبيبي
إتسعت عيناه وبُسرعة البرق حول بصره يتطلع علي من أصبح يعتبرها مِلكية خاصة له،وبدون نُطقِهِ بكلمة واحدة هرول إلي الاستيدج وتحدث وهو يُمسك الصغيرة من ذراعها ويسحبها بعيداً عن ذاك الرائف وتحدث بحِنقٍ:
-إنتِ إزاي تُرقصي مع حد غيري؟
حاسب دراعي يا عزو،إنتَ وجعتني…نطقتها بنبرة رقيقة وهي تتحسس ذراعها فاسترسل هو غاضباً:
-رُدي عليا يا ساندرا
نظرت إليه واردفت بنعومة كعادتها:
-هو اللي رقص معايا لما مِسك مشيت،وأنا مش عرفت أكسفه
هتف بنبرة صارمة:
-طول الفرح مش هترقصي غير معايا يا ساندرا، يا إما مفيش رقص خالص
بطاعة رقيقة هزت رأسها بموافقة فابتسم لها وامسك كفاها وبدأ يرقصان معاً بطفولية
أما مِسك فكانت غاضبة إلي أن حضر أنس إليها عندما شاهدها من بعيد وتحدث إليها وهو يتلمس شعرها بحنان:
-مالك يا مِسك،زعلانة ليه؟
من جديدٍ دبت بساقيها في الأرض كنوعٍ من الإعتراض وتحدثت بسخط:
-عزو مش عاوزني أرقص يا أنوس
تحدث إليه جدهُ وهو يحثهُ علي التحرك باصطحاب شقيقتهْ:
-وديها الاستيدچ عند بنات عمها يا أنس وخلي بالك منها
حاضر يا جدو…نطقها الفتي بتوقير ثم
إبتسم لشقيقتهُ وتحدث بنبرة حنون:
-تعالي وأنا هرقص معاكِ
إبتسمت بحبور وبالفعل هرولت معهُ وباتت تتراقص بسعادة مع شقيقها الحنون
أما عز فنظر إلي ثُريا التي تجلس بالطاولة المقابلة،وفور رؤيتهُ لوجهها بات قلبه يدقُ كطبول حربٍ من شِدة عِشقهِ الساكنُ بروحه،فقد كانت رائعة الجمال رغم بساطتها بكل شئ وعدم بذلها أية مجهود لتُظهر جمالها،وبرغم ذاك ظهرت بأروع صوره وطغي جمال روحها وسكونها الداخلي علي وجهها فأشرقت وظهر رونقها ماجعل ذاك العاشق يتنهد إشتياقاً وولها
