حب مش عادى ٧ ملك ابراهيم

رحيم شاور لها علي القصر وهمس لها: ادخلي انتي واطلعي على فوق على طول.

حبيبة هزت راسها بالايجاب ودخلت القصر.

قرب من كبير عيلة بدران وسلم عليهم واستقبلهم.

كان في واحد من شباب عيلة بدران شاف حبيبة وهي نازله من عربية رحيم وتوقع انها اخت رحيم لان خبر جواز رحيم لسه منتشرش.

دخلوا القصر وكان الجد مرسي وعبد الرازق وأنس في استقبالهم.

قعدوا كلهم واتكلموا في حاجات كتير وشغل ومصالح مشتركة بين العيلتين.

بعد الأكل قعدوا يشربوا الشاي ويتكلموا في الموضوع المهم اللي عبد الرازق عزمهم عشانه.

رحيم كان قاعد بثبات وثقه ومركز في كل كلمة بتتقال..

أنس كان مش مهتم بأي كلمة بتتقال وبالنسبه له ان الجوازة دي تنفيذ لـ امر ابوه عشان يريح دماغه..

اتكلم مرسي الجبالي مع كبير عيلة بدران وقاله انه عايز يقوي علاقتهم بـ النسب وطلب منه ايد حفيدته لـ أنس.

رد كبير عيلة بدران بـ الموافقه وقال: في بنت حلوة شوفناها في القصر واحنا داخلين كنا عايزين نخطبها لـ ابننا والفرحة تبقى فرحتين.

عبد الرازق رد بفخر وثقة: قصدكم رباب بنتي؟

أنس رد على ابوه: بيقولوا بنت حلوة يا أبويا.. هتكون رباب ازاي😂؟؟

اتكلم حفيد عيلة بدران الكبير وهو بيبص لـ رحيم: اللي كانت جايه مع رحيم في العربية.. شوفناها وإحنا داخلين.

رحيم ما اتحركش في الأول.. كان قاعد زي ما هو بس عينه ثبتت عليه.

إيده اللي ماسكة كوباية الشاي شدّت عليها أكتر من غير ما يحس لحد ما صوابعُه ابيضت من القوة.

تكة خفيفة وبعدها صوت شرخ.

الكوباية اتكسرت في إيده.

شاي سخن اتسرب بين صوابعه، وقطع الزجاج جرحت أيديه بس هو ولا كأنه حاسس بحاجة.

كل اللي قاعدين اتصدموا.

الصوت اختفى فجأة.. حتى النفس بقى تقيل.

ثواني ورحيم وشه اتبدل.

مش غضب صريح.. كان هدوء أخطر بكتير.

هدوء ما قبل العاصفة… بقلمي ملك إبراهيم.

…يتبع

استر يارب😱😂😂😂

نستأذن إحنا بقى شكلها هتـ🔥ـو🔥لـع🔥😂

لايك بعد القراءة متنسوش وعايزين نوصل البارت دا لـ 3000 تعليق عشان تشجعوني أكمل وانزلكم فصول اكتررررر😍💪