قلوب حائرة ٥ج٢ روز آمين

-عاملين لك محَاشي مِشكلة وديكين رومي مع رز بالخلطة وبط روستو

سألها بنبرة مهتمة:

– والحمام بتاعي، نستوه؟

جاورت يُسرا والدتها الجلوس ثم إبتسمت وأجابتهُ:

-وتفتكر حاجة مهمة زي دي تفوت ماما بردوا يا عمو

واستطردت بتفسير:

-دي مواصية الفرارجي من إمبارح عليه مخصوص

إنتفض قلبه من شدة سعادته بإهتمام متيمة قلبهُ وعشقهِ الأوحد بكل تفاصيله،ونظر لها وتحدث بنبرة حنون خرجت بتلقائية:

-ربنا يخليكي ليا يا ثُريا

ثم إستفاق علي حاله وهتف معدلاً مسار حديثهُ كي لا يلفت إنتباه يسرا له:

-ويخليكي لينا كُلنا ودايماً ممتعانا بأكلاتك ونفسك اللي ملهوش مثيل

إنتبه ثلاثتهم إلي صوت منال التي دلفت من باب المنزل وهي تهتف قائلة بنبرة إستحسانية:

-إيه الروايح اللي تجوع دي يا جماعة

إنتبهت إلي وجود عز مع ثُريا ، ولكن إطمئن قلبها عندما وجدت يُسرا تجلس معهما،عادت إلي هدوئها النفسي وتحدثت وهي تنظر إلي ثُريا وتسألها مستفسرة:

-أنا شامة ريحة ورق عنب

إبتسمت ثريا وأردفت بهدوء:

-انا عملته مخصوص علشان عارفة إنك ما بتاكليش غيره يا منال

وأكملت يُسرا علي حديث والدتها:

-بصراحة يا طنط كُنا هنكسل عنه لأنه مُتعب ومُمل في لفه، لكن م