قلوب حائرة ٦ج٢ روز آمين

ضحكة مدوية أطلقتها سُهير التي شعرت بغيرة زو جة نجلها عليه مما أثار حفيظة تلك الغاضـ.ـبة وجعلها تتطلع عليها بإستياء

حاولت سُهير بصعوبة إيقاف ضحكاتها وتحدثت بهدوء:

-إنتِ غيرانة علي شريف من الضيفة يا عالية؟

إمتعضت ملامح وجه علياء مما جعل سُهير تضع كف يـ.ـدها وتحتـ.ـضن به كفها برعاية ثم أردفت بنبرة حنون:

-أنا عارفة إنك بتحبي شريف وبتغيري عليه أوي، بس عاوزة أقول لك كلمتين عن إبني تحطيهم في قاموس حياتك وتمشي عليهم علشان تعيشي معاه وإنتِ مرتاحة

وأستطردت بثناء وأستحسان:

-شريف إبني طيب أوي وعنده من المبادئ والأخلاق اللي يمنعوه من إنه يمشي في طريق الغلط

واكملت بعيناي حنون:

-ده غير إنه بيحبك وإختارك تكوني شريكة حياته من بين كل البنات اللي كانوا حواليه

نظرت لها علياء فأكملت سهير وهي تُربت علي كفها وأردفت:

-طمني بالك من ناحية جـ.ـوزك يا بنتي

تنهدت علياء بأسي وتحدثت بتوضيح:

-أنا عارفة كُل الكلام اللي حضرتك بتقوليه ده يا طنط، بس غصـ.ـب عني بمـ.ـوت من الغيرة كل ما ألاقى واحدة بتتكلم معاه أو بتحاول تتقرب منه حتي لو كان في إطار الشُغل،أنا ثقتي في شريف مالهاش حدود وعارفة ومتأكدة إنه بيحبني زي ما أنا بحبه ويمكن اكتر

واسترسلت بإحباط ظهر بصوتها:

-بس ماعنديش أي ثقة في اللي بيتعاملوا معاه

وهنا بقا تظهر شطارتك… جُملة داهية هتفت بها سُهير

ضيقت علياء عيناها بعدم إستيعاب فأسترسلت سُهير قائلة:

-شطارتك إنك تِشغِلي وقت جـ.ـوزك كله ودايماً تجددي من نفسك وإسلوبك معاه، وتحاولي تغيري من روتين حياتكم كل فترة

كل فترة إصبغي شَعرك،مرة قُصيه ومرة طوليه، تغيري إستايل لبسك كل مُدّة،ده غير نظافتك لبيتك وولادك

وأكملت علي إستحياء:

-وطبعاً العلاقـ.ـة الحمـ.ـيمية بينك وبينه لازم تجدديها كل فترة وتكوني جاهزة كل ما يطلبك، وبلاش أعذار إلا في الضرورة القصوي،لأن أكتر حاجة بتخنُـ.ـق الراجـ.ـل من السِت هي كُتر الأعذار

وأستطردت متسائلة:

-فهماني يا بنتي؟

هزت رأسها عدة مرات متتالية وأردفت بنبرة هادئة وملامح وجه تملؤها السَكينة:

-فهماكي يا طنط، وحقيقي متشكرة أوي علي كلامك اللي ريح قلبي

إبتسمت سُهير وتحدثت بنبرة حماسية:

-طب قومي هاتي لي السبرتاية من المطبخ علشان أعمل لك فنجان قهوة يظبط لك الدماغ صح،أهو نتسَلى علي ما شريف ييجى من القاهرة وسالم باشا يخلص سهرته مع أصحابه علي القهوة