دموع السيف ١٢ هايدى الصعيدى

عابد قرب منه وحط ايديه ع اكتاف سالم وبتتسامه : سالم الالفي صديقي وخصمي المفضل ف عالم الأعمال

سالم ابتسم : خلاص انتهي وقت الخصومه وجيه الوقت اللي نتحد فيه ولا ايه

عابد ببتسامه : اكيد اكيد يا حبيبي لازم نتحد عشان خلاص انت عارف انا بفكر انفصل عن الشغل والجيل اللي طالع ده مش هيقدر عليك يا ملك الصفقات…….مش هتعرفنا ع المزمزيل ولا ايه

سالم اومأ بابتسامه : اه اوي اوي ..بنتي ياسمين ودراعي اليمين ف الشغل ومعاها دلوقتي سيف اخوها وفارس…. انا كمان واخد استراحه وسبتهم هما يديروا الشغل مكاني

عابد : ومااله كده هيتفقوا اكتر ويتفاهموا مع بعض خلينا احنا نرتاح شوية.. ..احب اعرفك ..بنتي بيري ..وده ابني عاصم ..وابن اخويا ودراعي اليمين ادهم

وبص لياسمين وكمل : ان شاء الله تعملوا مع بعض شغل فاخر يكتسح عالم الدعاية والاعلان بعد ما ندمج الشركتين مع بعض ولا ايه يا ياسمين هانم

ياسمين بهدوء وعملية : ان شاء الله ليه لا يا عابد بيه بس ده طبعا بعد ما نتفق على الشروط والبنود الي ف العقد والمحامي على وصول دلوقتي

خلصت كلامها وقربت تسلم علي الضيوف

وطبعا كان فيه نظرات وقحه من عاصم وادهم زير النساء ونظرات غيرة من بيري المدلاله النرجسية

ادهم وهو قابض علي كف ياسمين : اكيد يا انسة ياسمين هنتفق اووي مع بعضينا وكل اللي يعجبك هيتنفذ… واحنا معانا المحامي بتاعنا اهو

وكان بيشاور ع عاصم في آخر كلامه وبيحاول يطول ف الكلام وهو ماسك كفها وبيحرك صباعه الابهام علي جلدها الناعم ف حركة خفيفه

مغفلش عنها تميم اللي واقف وراهم بيغلي وعنيه بطلع نار وشرار والعرق الصعيدي حضر وعايز ينط عليه يقطع ايده ويفقع عينه اللي بتاكلها

و بعد حوالي ساعتين انتهت مقبلة العمل بالاتفاق ع دمج الشركتين مع بعض بعد شد وجذب بين ياسمين وادهم بعدين اتعشوا مع بعض وكانوا بيضحكوا وادهم وعاصم بيحاولوا يلطفوا الجو بسبب نظرات بيري المستفزة
لياسمين

عابد وقف : يلا هنستأذن احنا اشوفك علي خير في اقرب وقت يا صديقي

سالم وقف : مع السلام يا عابد نورتنا وان شاء الله الاولاد هيعملوا شغل احسن مننا

عابد بضحكه : بعد قطتك الشرسه دي انا اكيد متوقع انهم هيعملوا شغل هاايل

سالم حضن ياسمين بفخر : تربيتي دي

ادهم قرب : هنتقابل ف اقرب وقت يا انسة ياسمين
: Au revoir, féroce