دموع السيف ١٢ هايدى الصعيدى

: راح لام يوسف اشوفها لو محتاجه حاجه مرحتلهاش من اسبوع وهعدي ازور يوسف

فارس : ربنا يرحمه يا سيف… طب وانا هفضل قاعد كده زي خيبتها ف الشقة

سيف بخشونه ورفعة حاجب : ولاااه مفيش حفلات ولا خروج كن كده وقعد علي حيلك شوية بكرة ف شغل بدري

فارس بزهق : اذا كان كده بقا انا رايح اسلم ع خالتي صبوحه

سيف برفعة حاجب : هو ده الي بقولك كن… رايح تتنطط في شقة كلها حريم

فارس : حريم مين يا برووو دي صباااح هو انا اللي هقولك وبعدين دا انا بقول لبنتها يا طنط… وبعدين الصراحه انا عايز اطمن علي دموع هسلم عليهم وجاي علي طول متقلقش

سيف وهو بيبصله بعمق : مش مطمنلك
2

فارس بجدية : عيب عليك يبروو

: ع العموم انت حر هتعمل حاجه كده حاجه كده صباح مبتعتمدش حد.. هترفعك

فارس اومأ وقام يغير بنطلون البچامه ويلبس طقم من من هدومه اللي بعتتها مها بعد الضهر مع السواق

سيف نزل بعد ما خد مفاتيحه والفون بتاعه وهو ماشي لمح حسين واقف مع واحده وبتتكلم معاه ودموعها نزله… بصله بسخرية وكمل طريقة

…..

فارس غير وسرح شعره وخد الفيب بتاعه بعد كده جت فكره جهنميه من افكاره الي هتوديه ف داهية

وراح نحية التلاجه وبص على قزازة العصير اللب خلط عليها الوسكي امبارح ومخدش منها غير كباية هو سيف وعض على شفته بابتسامه خبيثه وخد القزازه

ونزل وهو بيضحك ..وصل لحد بيت ندي اللي وصلها نحيته ساعة الحفلة وطلع الدور الاول وخبط ع الباب وبتسمته من الودن للودن

فتحتله ندي وشهقت بصدمه : بتعمل ايه هنا وجاي ليه

فارس ببرود : وانتي مالك

ندي : انت عبيط ياض ده بتنا

فارس ببرود مستفز : ده بيت صبوحه وانا جاي اسلم عليها اوعي بقا كده ..يا خااالتي صباح ..يا خااالتو صبووحة

ندي : فارس بلاش جنون و يلا من هنا

: ايووه مين بينده علياا يوووه هو انت يا مضرووب تعاالي تعالي اوعي يا بت مالك متصدرة ف وش الباب كده ليه اماا انتي قليلة اصل بصحيح.. تعالي يا قلب صبووحة

فارس انشكح : اوعي يا قليلة الاصل ده انتي ولية تنحه
1

وزق ندي ودخل خد صباح بالحضن ع طول

: وحشتيني يا خالتي صبوحة

صباح ضحكت : تعالي تعالي يا ريحة الغالية امك واطية بس بحبها

فارس قعد جمبها : وهي كمان بتحبك اوي وسيف بيموت فيكي

صباح اومأت بثقة : ايوة ايوة منا عارفه سيف ده تربيتي…وكملت بحسرة .ربنا يرحمك يا يووسف قطعت بصحبك يا غالي