دموع السيف ١٢ هايدى الصعيدى

فارس : وانا روحت فين يا خالتي مانا قاعد معاه خلاص

: ايووة كده جدع يا واد يا فارس خليك جمب اخوك انتو ملكمش غير بعض

: حببتي يا خالتي ..دموع عامله ايه

ندي : ايش عجب دموع مش بتقولها يا طنط

: ليه وهي كانت دموع ف الريحة والجاية تقولي يا كوكو دي وحدة بتفهم مش زي نااس

ندي رفعة حاجبها وقامت تتطلع دموع من الاوضة يمكن فارس يقدر يخرجها من الموود الكائيب بتاعها اللي داخله في من الصبح بسبب جاية حسين

دموع طلعت مع ندى وببتسامه باهته

: ازيك يا فارس بيه

فارس وقف سلم عليها : لاا فارس بيه مين يا دمووعي مبحبش كده وبعدين مين زعل القمر ده برضو في مغفل ينزل دموعك الغالية دي

دموع ابتسمت : ايوة مغفل واحد

: فكك منه تعالي اقعدي معانا شوية انا خمسه وماشي بدل ما سيف يعلقني

دموع اومأت وقعدت جمب ندي الي بتبص لفارس ومش مطمنه لرزنته وعقله اللي هل مرة وحده ده ..

صباح بصت لندي : متقومي يا بت يا واطيه انتي هات حاجه لفارس يشربها ولا حضرلنا عشا.. اتعشيت يا واد ولا لسه

فارس باس كتفها بضحكه : اصيلة يا خالتي صبوحة…شبعان والله متتعبش نفسك

وراح مطلع القزازة الي ف الكيس : بس انا جيبلكم عصير معايا سيف بعتهولك بيقولك ده من فرنسا يا صبوحة

صباح بفرحة : ونبي صح اجري يا بت هاتي كبايات من جواه خلينا ندوق عصير الخواجات هما احسن مننا ولا ايه

ندي وقفت بحنق : حاضر يا ماما حاضر حتي يوم الاجازة مش ورانا غير فارس باشا الالفي ده ايه الغلب ده

فارس بستفزاز : بسرعه بقا هاا

ندي بغل وغيظ : يا باااااي منك عيل مستفز

ندي جابت الكبايات وصبة اربعه وكل واحد خد كباية من الي قعدين صباح دخلت بقلب جامد

: اححححح ماله يا واد حراق كده ليه

فارس بضحك : ده عليه جنزبيل يا صبوحه اشربي اشربي ده عصير السعادة في فرنسا اللي هيخليكم تفرفشو

صباح خدت شوت تاني على مره واحده

: اذا كان كده اشربي يا بت يا دموع دفي صدرك بدل مانتي قلبه سحنتك دي في وشي طول النهار لحد ما جبتيلي اكتائب وانا ست محبش النكد

دموع ضحكت وشربت العصير الي مكنش عجبها بس عشان خاطر صباح وندي بقت تشرب وتشجعها وتقولها ده حلو وهي قرفانه

خلصوا العصير وفارس حط رجل علي رجل بعد ما شرب نص كبايته وطلع الفيب بتاعه وقعد يدخن بضحكه وهو متشوق للي هيحصل

صباح وهي بتغمض عنيها وتفتحها و دمغها بدأت تلف