دموع السيف ١٢ هايدى الصعيدى

( الي اللقاء ايتها الشرسة )

ياسمين ضحكت بثقة وهي بترجع شعرها لوراه

: je te souhaite bonne chance

( اتمني لك حظ سعيد )

تميم بخشونة : اچهز العربية يا سالم بيه

بيري اخيرا اتكلمت : whaaat اچهز ؟؟؟؟!!!

تميم بقرف ورفة حاجب : في اعتراااض

بيري بصتله من تحت لفوق بنظرة جريئة كلها استخفاف وستحقار : ابدا

وتحركت مع اهلها

سالم وهو بيبص حوليه : روحي انتي يا حبيبتي مع تميم انا هتصل بمها تيجي نسهر شويه بقالنا كتير مخرجناش من وقت ما تعبت..خليني استغل الفرصه الجو حلو انهارده والمطعم رايق

ياسمين : بطرقني يا بابا مااشي ماشي.. ..يلا بينا يا تميم

تميم اتحرك قدمها وهو متعصب ولو نطقة حرف تاني معاه ممكن يحطها تحت العربيه يسويها بالاسفلت

فتح لها الباب الخلفي بصمت وهو باصص قدامه راحت قفلته وركبت قدام جانب كرسيه راح رزع الباب وراها بعنف خض ياسمين اللي بصتله بخضه وعصبيه

: هو ف ايه يا تميم

تميم ساكت مش بيرد و مفيش غير صوت انفاسه العاليه في العربيه ودا عصب ياسمين اكتر

: انا بقولك في اااايه

تميم ع نفس الصمت بس نفسه بقا سريع اكتر وعرق جبهته برز من كتر الضغط علي فكه

ياسمين بنرفزة: تميم رد عليا انت اتجننت

تميم فرمل بالعربيه لدرجة انها كسحت ف الاسفلت وطلعت صوت عالي

وبصلها بغضب اعمي : ااااااااايه ايييه عاااااايزة ايييه انتي

ياسمين بصدمه : انت بتزعقليي.. هو في ايه انت بتتعامل كده معايا ليه

تميم بغضب : واللهِ التزمت بحدودي يا هاانم ومنستشي اني شغال عِندك

ياسمين : هو ده اللي مزعلك يا عني وانت كانت عجباك المسخرة اللي بتحصل

تميم بعصبيه صوت عالي : مسخررررة.. انت هتبصي علي اناا رااااااچل مليون مراة متشغلنيش انما انتي سبتي روحك للهق والمق وسبتي ده يمسك يدك وده يضحك معاكي ودا ياكلك بعنيه طول الجاده… وهتبصي عليااا انا… وانا كت عملت ايه من اصله

ياسمين بنفس العصبيه والصوت عالي بردو: و انت هتحاسبني اضحك مع مين ولا اتكلم مع مين

تميم ضرب الدركسيون : ولا تحاسبيني ولا احاسبك ولا ليا صالح بيكي تاني من اصله يا ست هانم

ونزل من العربية ورزع الباب وراه وعنية بطق شرار طلع السجاير ووقف يدخن بعصبيه وهو بيزفر بغضب مش عارف يسيطر ع اعصابه بعد اللي شافه طول السهرة ..

ياسمين نزلت و بصتله وحست بالندم

: تميم انا عايزة اروح من فضلك… وانا اسفه لو كنت ضايقتك بكلامي اخر مره… بس انا اضيقت لما شوفت البنات بيضحكوا معاك