روز نيرمين قدري

قالت هبه بعجرفه: – يع يا عاصي انت بتكلم جد انت هتجوز من الشخصية دي لاء طبعا انا اكيد بحلم تسبني انا علشان الشيء ده دي فلاحة لا بتعرف تلبس ولا بتعرف تتكلم قالت روز وكأنها تراها لاول مره: مين السكر دي ها ثم اقتربت منها وقالت وهي تجز على أسنانها – بقولك ايه يا ملزقة انتي تحطي لسانك في بوقك وخالي الايام الهباب دي تعدي علي خير علشان انا شياطين الانس والجن بيرقصوا قدامي فاتلمي وخلي اليوم ده يعدي علي خير

ثم تركته وفتحت الباب لتخرج ولكنها اتفجاءت بوجود حمدان أمام الباب تقهقرت للخلف ونظرت لعاصي الذي اقترب منها ووجه كلامة لحمدان وقال : – خير يا عمده انت لسة مروحتش قلتلك الفرح كمان يومين = لع مروحتش اصل بصراحة حدوته الجواز وبيع المزرعة دي مش لده عليا انا عاوز اشوف القسيمة دلوق يا اما بنت ود عمي تيجي معايا علي الصعيد حالا بلا مسخره وقلت حيا عاد بدات علامات الغضب على وجه عاصي واحمر وجه ؛

– بقولك مراتي هي مين اللي تروح معاك الصعيد = وانا بقولك من حقي اشوف قسيمة الجواز خرجت والده عاصي. علي صوت حمدان وقفت بحده وقالت + خير يا عمده صوت عالي هنا ليه نظر لها حمدان وقال وهو يدقق النظر : = خير يا حاجة بس اكيد حضرتك بتفهمي في الأصول ينفع بنته تقعد لحالها اهنه انا بس رايد اطمن عليها + ومين قال إنها لوحدها هي في بيت جوزها

= بس لسة الفرح متعملش عاد ينفع كيف + متهيقلي انك عارف ان الحاج رضوان لسة متوــ,,ـــــفي من وقت قريب فا احنا مش هينفع نعمل فرح كبير كل اللي هنعملوا حفله صغيرة هنا في الفيلا علشان الاشهار بس وياريت حضرتك تبقي تتفضل لكن دلوقتي الوقت اتاخر اتفضل حضرتك واشوفك بعد يومين في الفرح ثم أغلقت الباب في وجه

الفصل الثامن والتفت الي روز وقالت: – انتي مش هينفع تخرجي من باب الفيلا انهاردة اتفضلي نامي مع رنا الليله دي قالت روز معترضة: + لاء مش هينفع انا هصبر لحد ما يمشي و اروح ابات في الاوضة بتاعي قال عاصي: = هو مش هيمشي هو اصلا شاكك في كل كلامنا مش هيمشي غير لما يتأكد أن المزرعة فعلا انباعت ياريت روحي انتي تامي وانا هكلمك المحامي يسرع الإجراءات و بحضر لكتب الكتاب بكره بلاش كلام كتير واتفضلي مع رنا

قطعت رنا كلامهم بمرحها المعتاد وقالت: – ياه انا فرحانه قوي انك هتباتي معايا يا روز طول عمري كان نفسي يكون ليا اخت ونفضل نحكي لحد الصبح ابتسمت لها روز ابتسامة باهتة فاهي تشعر بالغربه في بيتها وكأنها لم تكن تعيش سنوات عمرها بأكملها دخلت روز بصحبه رنا الغرفة نظرت روز حولها كل شيء كما تركته قالت رنا وكأنها قرأت عيون روز ولاحظت الدموع العالقة في عينيها: – هي دي كان اوضتك صح توقعت كده من كتر ما هي جميلة