روز نيرمين قدري
هزت روز راسها وسقط الدموع رغما عنها وقالت : – اه يا رنا وكنت بحبها اوي وانا اللي ملونه الحيطان بنفسي ومختاره الديكور وكل حاجة فيها بس تعرفي انتي كمان هتحبيها زي ما انا حبتها انا حاسة أن زوقنا واحد تقريبا ضحكت رنا وقالت : + انا كمان حاسة اننا هتكون اصدقاء مقربين – لا قولي اخوات بس انا ممكن أسأل سؤال من غير ما اجرحك + انتي قولتي اننا بقينا اخوات فا من حقك اي سؤال طبعا
– هو. انتي يعني ما فكرتيش تتعالجي يمكن ربنا يسر الحال وتقومي من علي الكرسي ده ضحكت رنا وقالت بصوت مهموم : + بصراحة أنا اتعودت عليه وبقينا جزء من بعض عاصي حاول معايا كتير بس انا اللي رافضة العلاج – ليه يا رنا حاولي ساعدي نفسك + خايفة يا روز خايفة من خيبة الامل ،خايفة ادي نفسي أمل أن هقدر امشي تاني وميحصلش فبحاول اقنع نفسي أن خلاص دي حياتي وده مستقبلي اللي جاي
– لاء انتي غلطانه يا رنا طول ما فينا نفس في امل ولو حتي ضعيف اوعي تيأسي من رحمة ربنا + ونعمة بالله تعرفي يا روز أن الدكاترة قالوا إن مرضي ده نفسي مش عضوي ابتسمت روز وقالت : – بجد دي حاجة حلوة قوى وانا وعد مني مش هسيبك غير لما تكوني بتجري مش بتمشي ويلا ننام علشان فصلت اليوم كان طويل قوي وبكرة لسة عندي لقاح لكل الحيوانان
واعلمي حسابك انتي هتكوني المساعده بتاعتي يعني من بكرة نازله معايا الشغل رنا بفرح وهي غير مصدقة: + بجد يا روز بتكلمي جد يعني انا هعمل حاجة غير قاعدة الكرسي دي – اه طبعا واعملي حسابك انا في شغل معنديش محسوبيات الشغل شغل مافيش تعب يلا نامي بقا كل ذلك وعاصي يقف في بلكونه غرفته يستمع لحديثهم ويبتسم علي الروح التي اعطتها روز لرنا وكأنها اهدت الحياه لها من جديد
لم تستطيع روز النوم من كثرة التفكير ظلت مستيقظة تفكر فيما تخفي لها الايام شعرت بلجوع الشديد تذكرت انها لما تأكل طوال النهار خرجت من غرفتها متناسية أنه لم يعد منزلها ونزلت اللي المطبخ لتجد شيء تتناوله فتحت الثلاجة لتبحث عن أي طعام وكان عاصي يراقبها من بعيد وهو يبتسم علي عفويتها وطريقتها وكأنها طفله صغيرة ولكن وقف عندما لمح هبه تدخل المطبخ هي الأخري اصتدمت هبه ب روز وقالت لها بعجرفه:
– انتي ايه اللي منزلك هنا متهيقلي الضيافة ليها حدود حضرتك ضيفة يبقي تلتزمي بأصول الضيافة ما تتمشيش كده علي كيفك وتفتحي وتقفلي في التلاجات لو احتاجتي حاجة اصبري لما صحاب البيت يكونوا موجودين يجبولك اللي محتجاه لكن تخشي تفتحي كده اظن عيب ولا اهلك معرفتش يعلموكي اصول الضيافة تكون ازاي أغمضت روز عينيها بشده وتذكرت أنه لم يزل بيتها و أنها فعلا هنا ضيفه فتحت عينهيا وحبست دموعها وقالت معتذرة :
