روز نيرمين قدري

اسفة انا بس كنت عاوزة اشرب بعتذر و تركتها وغادرة الفيلا بأكملها وهي تجري باسرع ما لديها علي غرفتها في اخر حديقة الفيلا ولم تنتبه أن الجو بارد جدا والمطر شديد في الخارج ظلت تجري اللي أن وصلت غرفتها ودخلت وانهارت في البكاء دخل عاصي المطبخ ينظر اللي هبه باحتقار ثم قال لها: – انتي اي منزلك المطبخ يا هبه اظن انتي هنا ضيفه ياريت متتعديش حدود الضيافة قالت له هبه بمسكنه :

– انا بردو ضيفه يا عاصي انا هوبا حبيبتك وخالتوا قالتلي ان انا هكون ست البيت هنا بعد ما انا وانت نتجوز =يابت انتي هبله انا فرحي بعد بكرة علي روز فوقي بقا – اه منا عارفة أنه جواز علي ورق بس لحد يعني ما تاخد المزرعة علشان الشرط اللي حطة ابوها يعني جواز كده وكده يعني

ضحك عاصي وتركها وخرج يبحث عن روز وصل علي باب غرفتها و سمع صوت بكائها من خلف الباب وشعر وكأن قلبه يتمزق عليها استغرب من الشعور الذي يتملكة حاول طرد هذا الشعور ولكن لم يستطيع السيطرة علي شعورة لقد دقه قلبه لاول مرة طرق الباب بدون أن يفكر فتحت روز وهي تمسح دموعها بظهر يدها وقفت أمامه وقالت مستفهمة: – خير يا بشمهندس اي خدمة اظن ان الفجر قرب يأذن يعني ده مش معاد للزيارة

ارتبك عاصي أمامها وقال: + هو مش المفروض يا دكتورة انتي دلوقتي نايمة مع رنا ايه اللي جابك هنا – متهيقلي يا بشمهندس انا حرة اكون في المكان اللي انا عاوزه هرش عاصي رأسة وقال: + هو من جه انتي حره فا انتي لحد دلوقتي حره صحيح الكتاب لسة ما اتكبتش قطعت كلامة وقالت باستهزاء: -هو سقف طموحاتك عالي بقا هو خيالك صورلك انك لما تكتب الكتاب هتتحكم فيا ومش هكون حرا عندك احلام يقظة والله يا بشمهندس

+ ما علينا مش قضيتنا دي اتفضلي معايا علي الفيلا بلاش نسيب اي حاجة للظروف ممكن تلاقي حمدان قدامك في اي وقت – ما فتكرش زمانه روح بعد كلام مامتك معاه غير أن انهار خلاص قرب يطلع وانا عندي شغل كتير والا اقولك استناني برا هغير واجي معاك علشان كنت مواعده رنا هتيجي معايا +وانتي فاكرة رانا هتصحي بدري وتنزل معاكي ما فتكرش بس حاولي يمكن تكون طريقة تكفري بيها عن ذنوب جدك معانا علي العموم في انتظارك متتاخرش عليا

نظرت له روز بغيظ من طريقته المستفزة وأغلقت الباب بدلت ملابسها و خرجت معه دخلا سويا الفيلا و كانت هبه أيقظت خالتها دخلت روز بصحبة عاصي ليجد والدته تجلس في البهو وهي ترفع حاجبها وهي تنظر لهما بغضب شديد قامت واقفة وقالت بصوت حاد : – خير يا عاصي كنت فين وش الصبح كده التفت لها عاصي باستغراب وقال: + هكون فين في وقت زي ده كنت بجيب روز علي هنا علشان لو حمدان رجع مينفعش يلاقيها نايمة هناك هيشك في كل كلامنا وانا مش عاوز اي تصرف ملهوش لازمة لحد ما يكون معايا قسيمة الجواز علشان تقل الملكية