روز نيرمين قدري

اه فاهمت علشان كده المحامي كان مصمم أن يفتح الوصيه بعد انت ما تستلم المزرعة = اسخري من كلامي براحتك بس حياتك اللي فاتت كوم واللي جاي فيها كوم تاني خالص – بقولك ايه يا بشمهندس يؤسفني أن اقولك أن انا مش هديك فرصة أن تنتقم مني هسبلك الجمل بما حمل المزرعة كلها حلال عليك اديني بقيت فلوسي فرق بيع المزرعة وانا هسبلك المكان كله اشبع انتقام في لوحدك ضحك عاصي ضحك هستيري ثم تبدلت معالم وجه بحده وقال وهو يجز علي أسنانه:

= نجوم السما اقربلك من الحلم المستحيل بتاعك ده فلوسك بح اعتبري نفسك اخدتيها انا اصلا جاي هنا مخصوص علشانك قطعت كلامة بحده وقالت : – لأ معلش وضح كده فلوس مين اللي اعتبر نفسي اخدتها انا اوديك في ستنين داهية في قانون جلس عاصي ووضع ساق فوق الأخري وقال بهدوء و كأنه مستمتع بغضبها: = تمام انا قاعد مستني الداهيه اللي هتوديني فيها وبردو هتفضلي تحت رحمتي هتفضلي تشغتلي عندي

أغمضت روز عينيها تمتص غضبها وقالت وهي تحاول تسيطر على غضبها: – يا بشمهندس من فضلك اديني فلوسي و خلينا نخلص من بعض انهاردة. نكلم المحامي يفتح الوصيه علشان نخلص من الربطة دي و كل واحد يروح لحاله = انتي ملكيش فلوس عندي اعتبريها تعويض عن اللي حصل زمان فينا من عيلتكم و اذا كان علي مكتوب في والوصيه اي كان المكتوب فا ميهمنيش ابوكي باع لي المزرعة وخلصنا – انت يابني عيان عاوز تتعالج شوفلك دكتور نفسي يعالجك بدل ما انت ما طلع امراضك النفسية دي علينا انا هكلمك المحامي علشان يجي يخلص كل حاجة ونخلص بقا

أوقف الجدال صو ت والدتهم تعلن عن غضبها مما يحدث أمام جميع عمال المزرعة فالجميع يقف بتابع الحديث بانتباه وتركيز قالت الأم بحده وهي تنظر حولها : + اظن الكل عرف نفسة الكل يتفضل علي شغله وياريت نفض المهزلة دي ثم توجه نظرها نحو روز وقالت :

+ وانتي كمان يادكتورة علي شغلك دلوقتي وبعدين نشوف حكاية بقيت فلوسك انا هتكلم مع عاصي ونشوف ايه اللي لازم يتعمل وهنعمله غير أن كل الإجراءات القانونية وقفة لحد فتح الوصية يعني لحد دلوقتي عاصي مش مالك المزرعة في مواقفه علي شرط اللي في وصية العقد بيقول كده فاأهدي كده لحد ما نعرف في ايه في الوصية تنهدت روز وهزت رأسها بالموافقة و نظرت نظرة كرة اتجاه عاصي وتركت المكان وهي في قمة غضبها منه