حكايات اماني

انا بتشغل موظفه فى الشهر العقارى وساكنه فى بيت عيله كنت اخلص شغل اطلع اغير هدومى وانزل لحماتى اهمل الغدا ونتغدى واخلص المواعين واطلع شقتى فضلنا على الوضع ده خمس سنين حتى لما خافت فضل الوضع زى ما هو بس كنت بودى بنتى الحضانه وارجع اخدها ونفضل فى نفس الدايره لحد ما جه سلفى وقرر يتجوز وقتها روحنا نخطبها بس البنت من أول يوم حطت شروط واهمها مش هتنزل تخدم بيت حماتها ومش مسئوله عن أى حاجة غير جوزها ومحدش يطلعلها غير بإذن قبلها عشان تكون عامله حسابها وطلبت دهب بمبلغ كبير وقايمه كبيره والشقه كلها تتفرش على زوقها كنت

فاكره ان حماتى هتعترض لكن لقيت حماتى وافقت قالت ابنى بيحبها ولازم نساعده وهو حر هيشيل شيلته بعد كده عديت وقولت ماشى لكن من جوايا كنت حاسه بضيق إن انا صغرت من نفسى وقولت لو الزمن رجع تانى كنت هعمل كده مافيش يومين من بعد الاتفاقده ولقيت حماتى بتفتح معايا موضوع من اغرب ما يكون ـ بقولك ايه يا ثناء انتى عايشه معانا بقالك خمس سنين وشايله كل حاجه لواحدك ايه رايك إن سعيد هيتجوز ويجيب واحده تساعدك لما وجهتها بكلام العروسه قالتلى ده فى الأول بس وبعدين انا هنزلها سالتها عن المطلوب منى ايه ـ بصى يا ثناء أنا

عايزاكى تعملى قرض بضمان وظيفتك ب ٢٠٠.

٠٠٠ الف جنيه عشان الشبكه ونكمل الجهاز اللى ناقص وقتها رفضت لانه واخد قرض قبل كده باسم جوزى وجوزى هو اللى بيسدد ولما اتكلمت قالى أخويا وبساعده وقتها اعترضت وقولتلها انا مش موافقه ابنك مش بيدفع لقتها بتقولى ومين قالك انه هيدفع حاجه انتى هتعملى ده مساعده منك لسلفك وقتها حسيت إن فى حاجة غلط يعنى عايزانى اجهز سلفى على حسابه ومراته تيجى تقعد هانم بشروطها حماتى لما حست انى هرفض كلمت جوزى وسلفى واللى حصب بعد كده كانت الصدمه الأكبر
بعد موقفي مع حماتي ورفضي التام لموضوع القرض، لقيتها بصتلي بنظرة غموض وكأنها بتقول لي: “الأيام بينا”.

مفيش ساعتين ورجع جوزي وسلفي سعيد من بره، ودخلوا على شقة حماتي على طول. بعد شوية، لقيت جوزي طالعلي الشقة، ووشه أحمر من الغضب ومش شايف قدامه. دخل وقفل الباب وراه برزع، وزعق فيا وقال لي: “إيه الكلام اللي سمعته تحت ده؟ هي أختك اللي هتتجوز ولا أخويا؟ إزاي تكسفي أمي وترفضي طلبها وتقللي مننا قدام أخويا؟”وقفت قصاده وأنا مذهولة ومصدومة من رد فعله، وقولت له: “أقلل منكم؟