روز نيرمين قدري

وباقي الايام بتقعد عندتا تقريبا كده مقيمة معانا – وانا مش مجبرة يا عاصي استحمل عقدها النفسية دي تروح تتعالج بص مطلعهوش عليا علشان انا اخر ذرة صبر عندي تقريبا خلصت زفر عاصي انفاسة وقال بضيق وكان أسلوبها في صيغة الامر استفزة :

+ بقولك ايه يا روز اوعي تنسى انا هنا صاحب البيت وانا اقول من يقعد ومين يمشي اوعي تنسي انك هنا ضيفة فترة بتقضيها و ماشيه لكن هبه هنا صاحبه مكان بحكم انها قاعده معانا وخدي بالك امي بتحبها زي رنا يعني الي يزعل هبه كأنه زعل امي و اللي يزعل امي انا بعتبر ربنا ما خلقه من اصله قامت روز واقفة وقالت بغضب :

– ايه ايه حيلك حيلك في ايه لكل ده اهدي علي نفسك كده ومش لازم كل ساعة تفكرني أن مش صاحبة البيت علشان انا عارفة ده كويس و لو نسيت الست ولدتك هتفكرني والبرنسيسة اللي بدافع عنها مش متوصيه بتفكرني بده كل دقيقة و يكون في علمك انا مش هسكت لاي حد يدوس ليا علي طرف كله الا كرمتي انا مش قليله واظن انت عارف انا مين كويس وبكون بنت مين وجدي مين ولا ايه

ذاد غصب عاصي عليها ومسك يدها بقوة مما جعلها تتالم وقال بحده : +كنتي بنت مين لكن دلوقتي انتي ضيفة ملكيش مكان وانا لو قلتلك مع السلامة في اي وقت هتكوني في الشارع مش مهم كنتي ايه المهم دلوقتي انتي ايه والمكان ده مكاني انا واهلي جذبت يدها منه بقوة وقالت: – وانا سيبهولك اشبع بيه وتركته وخرجت من الغرفة جري وراها عاصي وجذبها من يدها وقال بحده: + انتي ازاي تخرجي من الاوضة بالمنظر ده اياكي رجلك تخطي برا الأوضة بعد كده بلبس البيت أو البيجامة

جذبت يدها ونظرت له بغضب ولكنها خرجت من الفيلا دون أن تنظر له ورمت بكلامة عرض الحائط وقف عاصي مكانه وقد تملك منه الغضب ابتسمت هبه من بعيد فقد شاهدت كل ما حدث بينهم واقتربت من عاصي تبخ سمها في أذنه تقالت بمكر : = ايه يا عاصي مالك واقف كده وسايب عروستك لوحدها بذمتك ده يوم ينفع وتخرج و تسبها ايه لحقت تزهق منها بالسرعة دي جز عاصي علي اسنانه وقال:

+هبه لو سمحتي ملكيش دعوة بالي بعمله ادخل اخرج انا حر خليكي في حالك وياريت ملكيش دعوة. بروز خالص لمحت هبه خالتها تاني من بعيد تصنعت البكاء وقالت بصوت مرتفع باكي : = ليه كده يا عاصي انا قلبي عليك ليه المعاملة الوحشة دي لو مش عاوزني هنا قول وانا اخد هدومي وأخرج بس بلاش تحسسني اني تقيله لحقت تمليك من ناحيتي وتقسي قلبك عليا انا كنت عملتها اي بس علشان تعمل معايا كده