قلوب حائرة ٣ج٢ روز آمين
وأسترسلت بإقناع:
-عاوزة إيه تاني أكتر من كده يا حبيبتي
نزلت دمعة من عيناها وأردفت قائلة بإستياء:
-عاوزة أحس إني ست ومرغـ.ـوبة من جـ.ـوزي يا يسرا، مش قادرة أتأقلم مع الحياة الروتينية اللي أنا عيشاها مع سراج، حياتي معاه باردة ومن غير روح
ضيقت يسرا عيناها وهي تنظر إلي شقيقتها بترصد وسألتها مُستفسرة:
-إوعي يكون اللي إسمه محمد رجع يضايقك تاني وهو اللي ورا كلامك ده ؟
هزت رأسها بإعتراض وهتفت سريعً بنفي:
– والله العظيم ما كلمني من وقت ما حاول يتقرب مني في الواتس وأنا هـ.ـددته وقُلت له إني هقول لياسين، من وقتها وهو ما حاولش حتي يطلب مني يشوف الولد في المناسبات زي ما كان بيعمل، وبيكتفي يشوفه في الرؤية
إرتخي جـ.ـسد يسرا وأطمأنت بجلستها بعدما تأهبت أعضاء جـ.ـسدها بالكامل،وتحدثت بنبرة هادئة:
– إهدي وحاولي تفكري بعقلك يا نرمين، بصي للجانب الحلو اللي موجود في سراج
صاحت بنبرة مُعترضة علي وضعها:
-وليه ما يبقاش كويس ومحترم وفي نفس الوقت رومانسي معايا
أجابتها يُسرا بتفسير:
-علشان ماحدش بياخد كل حاجة
صاحت بنبرة غاضـ.ـبة:
-مين اللي قال لك كده، ما عندك مليكة واخدة كُل حاجة، ومع ذلك ياسين بيحبها ومافيش مناسبة إلا لما بيعبر لها قدامنا كُلنا عن حبه شِدة ليها،
واستطردت:
-وبرغم إنشغاله بين شغله وبين سفرة لبنته إلا إنه من ساعة ما أتجـ.ـوزها لحد النهاردة ما فيش شهر بيعدي غير لما يحجز لها في أفخم فنادق في إسكندرية كُلها وياخدها ويقضي معاها يوم يغرقها فيه بحبه بعيد عن الروتين والولاد والبيت، ده غير الهدايا اللي بتتصنع لها مخصوص
ليه ما أبقاش زيها يا يُسرا… جُملة حزينة خرجت من تلك المـ.ـتألمة التائهة من حالها
كانت تستمع إلي شقيقتها بحُزنٍ عميق علي ما وصلت إليه:
-تاني يا نرمين، إنتِ هترجعي للمقارنة بينك وبين مليكة تاني،ما أخدتيش عبرة من اللي حصل لك قبل كدة
واستطردت مفسرة:
-ثم مين اللي قال لك وفهمك إن مليكة واخدة كُل حاجة؟
إذا كانت مش واخدة حقها كامل في ياسين نفسه، عمرك حطيتي نفسك مكان مليكة واللي بتحسه وهي عارفة ومتأكدة إنها نص زو جة؟
ده كفاية عليها إنها محـ.ـرومة من أبسط حقوقها كزو جة، وهي إن جـ.ـوزها ينام في سريرها كل يوم وتحـ.ـس بالأمان وهو جنبها كأي ست عادية
تنهدت نرمين بأسي واكملت يُسرا حديثها العاقل وتحدثت:
