قلوب حائرة ٣ج٢ روز آمين
-إحمدي ربنا يا حبيبتي علي اللي إنتِ فيه وبطلي تبصي علي حياة غيرك وتقارنيها بحياتك وإنتِ ترتاحي
قطع حديثهما دخول سليم وسراج اللذان كان يُقضيان سهرتهما بأحد المقاهي القريبة من مسكنهما،
ألقي سراج التحية عليهما بنبرة جادة:
– مساء الخير
ردوا تحيته ثم تحدث سليم بنبرة دعابية موجهً حديثهُ لكلتاهُما:
-طبعاً إنتم ما صدقتوا خلصتم مننا علشان تاخدوا راحتكم في الكلام بعيد عن رخامة الرجالة ودمهم الثقيل وطلباتهم اللي ما بتخلصش
إبتسمت بسرا لزو جها ببشاشة وجه وتحدثت بنبرة حنون:
-وقلبك طاوعك تقولها يا سيادة القُبطان، معقولة إحنا هننبسط في حاجة إنتم مش معانا فيها
وأكملت وهي تُشير إلي سراج بالجلوس:
-ما تقعد يا سراج واقف ليه؟
أجابها بنبرة هادئة رزينة:
– إحنا هنروح بيتنا بقا علشان نسيبكم ترتاحوا
وأكمل وهو ينظر إلي نرمين بحنو:
-يلا يا نرمين إندهي علي الأولاد علشان نتحرك
هتف سليم معترضاً وتحدث بإصرار وهو يجذب سراج من كف يـ.ـده ويحسهُ علي الجلوس :
– تروحوا ده إيه، إحنا هنكمل سهرتنا مع بعض النهاردة ونتسحر ومش هتمشوا من هنا غير بعد ما نصلي الفجر مع بعض
نظر إلي نرمين يستشف رأيها فوجد منها القبول حيث أردفت قائلة بنبرة خافتة بموافقة:
-خلاص يا سراج، إقعد نتسحر معاهم ونروح علي النوم إن شاءالله
أومأ لها بإيجاب وإبتسامة هادئة فتحدث سليم بنبرة حماسية:
-قومي يا يسرا بقا هاتي لنا الكنافة والقطايف علشان نتسلي والسهرة تحلي
أومأت بطاعة وتحدثت وهي تتحرك بإتجاه المطبخ:
-حالاً يا حبيبي كل حاجة هتكون جاهزة
أتت بعد قليل هي والعاملة تحملتان بين سواعدهم صُوانئ مرصوص عليها كُل ما لذ وطاب من مأكولات ومشروبات يشتهر بها شهر رمضان الكريم، رصت ما بيـ.ـداهم فوق المنضدة وجلست من جديد وبدأ الجميع بتبادل أحاديثهم المثمرة مع تناولهم للمأكولات بتلذذ وشهية عالية بفضل التجمع
❈-❈-❈
خرج عز من داخل حُجرته بعدما تَملل بشدة من حديث تلك المنال التي لا تهتم سّوي بالمادة وكيفية الإستفادة وفقط، سار بخطواته متجهً إلي الحديقة، وجد طارق يدخل من البوابة الحديدية بعدما ترك السيارة إلي الحارس كي يصَفها بالجراچ الخاص بالعائلة،
كان يتجه عليه وهو يتأَبّط ذراع حبيبته چيچي ويتحركان بإنسجام تام يظهر فوق ملامح كِلاهُما
تنهد عز براحة بعدما لاحظ سعادة نجلهُ المرسومة فوق ملامحهْ وسلامهُ النفسي السَكن بعيناه،إقتربا عليه وتحدث طارق بنبرة صوت يُغلفُها الإحترام ويملؤها التقدير:
