قلوب حائرة ٤٨ ج٢ روز آمين
هتف معنفاً إياها بنبرة حادة بعدما فاض به الكيل من صدها المتكرر له:
-كفاية إنتِ بقي يا ثُريا،إنتِ إيه يا شيخة،لسة مشبعتيش من وجعك ليا،سنين وأنا عايش علي أمل إنك توافقي بجوازي منك وتريحي قلبي،وبعد ما أتأكدت إن عُمر ما هيكون لي نصيب معاكي
واستطرد معبراً بأسي:
-قررت أعيش علي ذكري حبي ليكِ وأكتفي بنظرة من عنيكي وكلمة حلوة ترُدي بيها الروح لعاشق الروح،
واستطرد لائماً بقلبٍ يتألم:
-حتي دي من قسوة قلبك حرمتيني منها ومصممة تكملي،بتستفادي إيه لما تلاقيني بتعذب قدامك يا ثُريا؟
واستطرد متسائلاً بعيناي حائرة:
-إوعي تكوني بتستمتعي لما بتشوفيني بتوجع قدامك؟
إتسعت عيناها بذهول من إتهامهُ المؤلم لها وتحدثت بدفاعٍ عن حالها:
-الله يسامحك،إنتَ بتقول لي أنا الكلام ده يا عز؟
واسترسلت لائمة إياهُ بشدة:
-هان عليك تتهمني وتقول لي إني بستمتع بوجع قلبك؟!
أردف بنبرة حادة:
-أُمال عوزاني أفسر تعمُدك الدايم لرفضك لأي محاولة ليا بإني أتقرب مني بإيه؟!
صمتا كليهما عندما لاحظا قدوم مليكة التي شعرت بأنها قطعت حديثهما فوضعت ما بيدها فوق المنضدة وأخذت صغيرتها وصعدت إلي الأعلي لتبدل لها ثيابها
تنهدت ثريا بأسي وأردفت بإبانة:
-فسر كلامي بإني سِت حابة تعيش علي ذكري جوزها الغالي،وممكن كمان تفسره بإني واحدة عاوزة تحافظ علي سُمعتها
واستطردت معاتبة إياه:
-هو أنتَ نسيت الكلام اللي مراتك قالته لي وأفترت بيه عليا؟
ولا صعبان عليك إن محدش عرف بيه وعاوزها تطلع تقوله قدام الناس المرة دي؟!
أجابها واثقاً:
-منال مش هتقدر تكرر اللي عملته تاني لأسباب كتير،أولهم إن اللي كان بيحرضها عليكِ هي العقربة اللي إسمها لمار ودي خلصنا من شرها خلاص،ده غير إن منال نفسها إتغيرت،مبقتش منال اللي نعرفها
بنبرة جادة أردفت باعتراض:
-أرجوك يا عز تخرجني ومن وسط مشاكلك إنتَ ومنال
واسترسلت بايضاح لتصرفها السابق:
-أنا لما وافقت أرجع ألم العيلة عندي عملت كدة علشان البنت اليتيمة اللي ملهاش ذنب تتحرم من أبوها وعيلتها زي ما اتحرمت من أمها،وعلشان سيلا وحمزة يرجعوا لطبيعتهم ويحسوا بالدفي وسط عيلتهم الكبيرة
واستطردت بإبانة:
-والحمدلله،عُمر ربنا هداه وأخد بنته في حضنه،وحمزة رجع لطبيعته بعد شهور عاشها في وجع علي أمه الله يرحمها،وسيلا ربنا يهديها وترجع زي الأول
