ادهم
قالت بصوت ضعيف
“البنت…”
أدهم فهم فورًا
“مريم؟”
أمينة هزت راسها
“هي اللي أنقذتني”
أدهم ابتسم
“عرفت”
أمينة بصت له باستغراب
“عرفت إزاي؟”
طلع موبايله وفتح لها جزء من تسجيل الكاميرا
أمينة بصت للشاشة ودموعها نزلت
“دي البنت”
وبعدين قالت
“روح لها يا أدهم”
أدهم استغرب
“دلوقتي؟”
“أيوه”
“ليه؟”
أمينة ضغطت على إيده وقالت
“عشان تشكرها”
أدهم ابتسم
“أكيد هشكرها”
لكن أمه مسكت إيده بقوة وقالت
“مش بس كده”
أدهم بص لها
“أمال إيه؟”
قالت بصوت ضعيف
“البنت دي اتظلمت بسببي”
أدهم سكت
وبعد لحظات قال
“أنا هوصل للحقيقة”
في اليوم التالي الصبح وصل أدهم السوبر ماركت بنفسه
المدير سامح أول ما عرف إن صاحب المجموعة موجود في الفرع خرج بسرعة يستقبله
“أهلًا يا فندم نورتنا”
أدهم ما ردش على الترحيب
دخل المكتب وقال
“فين ملف مريم؟”
سامح اتوتر
“مريم؟”
“أيوه مريم”
“الموظفة اللي مشيت امبارح؟”
أدهم بص له بثبات
“أنا سألتك فين ملفها”
سامح حاول يبتسم
“أكيد موجود يا فندم”
فتح الدرج وطلع الملف
أدهم أخده
قلب في الورق
وبعدين قال
“العجز ألفين جنيه”
سامح رد بسرعة
“أيوه يا فندم”
“متأكد؟”
“طبعًا”
أدهم رفع عينيه له
“والفلوس اختفت إمتى؟”
سامح بدأ يتلعثم
“يعني… خلال وقت الشغل”
“يعني مفيش وقت محدد؟”
“لا”
أدهم حط الملف على المكتب
وقال بهدوء
“غريبة”
سامح بلع ريقه
“غريبة إيه يا فندم؟”
أدهم فتح اللابتوب وحط التسجيل قدامه
“غريبة إن الكاميرات بتقول إن مريم قفلت الكاشير قبل ما تسيبه”
وبعدين شغل المقطع التاني
ظهر حسام وهو بيفتح درج الفلوس
وشه سامح اتغير
أدهم وقف الفيديو عند اللحظة دي
“مين ده؟”
سامح سكت
أدهم كرر
“سألتك مين ده؟”
“حسام يا فندم”
“وليه حسام فتح الكاشير؟”
سامح ما ردش
أدهم قرب منه وقال
“أنا مش بس بسألك عن ألفين جنيه”
سكت لحظة
“أنا بسألك ليه حاولتوا تخلوا بنت بريئة تتحمل سرقة موظف تاني”
سامح بدأ يتوتر
“يا فندم الموضوع مش بالشكل ده”
أدهم ضرب بإيده على المكتب
“أمال بالشكل إزاي؟”
المكتب كله سكت
وبعدين أدهم قال
“استدعوا حسام”
بعد دقائق دخل حسام وهو مرتبك
أول ما شاف أدهم وشه اصفر
أدهم قال
“اقعد”
حسام قعد
أدهم شغل الفيديو قدامه
“تحب تشرح؟”
حسام فضل ساكت
أدهم قال
“أنا هديك فرصة واحدة”
حسام بص لسامح
وسامح بص له
أدهم لاحظ النظرة
وقال
“آه”
ابتسم ابتسامة باردة
“واضح إن الموضوع أكبر من ألفين جنيه”
