قلوب حائرة ١١ج٢ روز آمين
ألقت بجـ.ـسدها بإهمال فوق الأريكة لتجاور بجلوسها تلك الغائبة عن الواقع،نظرت إليها ليالي وتحدثت مستفسرة:
-إنتِ جيتي يا سيلا؟
إبتسمت الفتاة بجانب فمها بمرارة وأجابتها ساخرة:
-لا لسة يا مامي
عاودت ليالي مرة آُخري ناظرة إلي الشاشة وهي تُشاهد بمنتهي التركيز متغاضية عن تهكُم صغيرتها عليها،أمسكت هاتفها ودونت به رقم هواتف المركز الظاهرة أسفل الشاشة،ثم تحدثت إلي إبنتها بنبرة حماسية:
-المركز ده هايل،هاتصل بيهم وأحجز علشان أروح أظبط نفسي عندهم قبـ.ـل أجازة العيد،لازم أظهر قدام الكُل بشكل غير اللي شافوني بيه آخر مرة
واسترسلت بانتشاء:
-هاخلي كل اللي يشوفني يتأكد إني رجعت عشر سنين لورا
واسترسلت بإبتهاج وإعجابٍ شديد وهي تنظر بتدقيق للفيديو المعروض على الشاشة:
-شايفة يا سيلا غيروا إزاي شكل الشِـ.ـفة وخلوها جذابة؟
أمـ.ـسكت الفتاة بجِهَازُ التَّحَكُم عَنْ بُعْد ( الريموت كنترول) وقامت بغلق الشاشة بعدما طَفَحَ بها الكَيْلُ وشعرت بالإختناق من تصرفات تلك اللامبالية سوي بحالها ولا تَكْتَرِثْ بغير ما يهمها وفقط،حولت ليالي بصرها سريعاً وتحدثت بنبرة حادة معاتبة صغيرتها:
-إيه قلة الذوق اللي إنتِ فيها دي يا سيلا !
زفرت الفتاة وظهر علي وجهها الإستياء وهتفت بنبرة غاضـ.ـبة:
-ممكن تسمعيني شوية،أنا في مشكلة ومحتاجة أتكلم معاكي.
إنتفض داخل ليالي رُعباً من هيئة صغيرتها المستاءة وتحدثت متلهفة خشيةً من أن يكون أصابها مكروهً وهلعاً أيضاً من ذاك الياسين:
-مشكلة إيه يا سيلا،إتكلمي؟
تنهدت الفتاة بثُقل وأردفت قائلة بنبرة تحمل الكثير من الهموم:
-أنا عملت مُشكلة النهاردة مع اللي إسمه نوَّاف والموضوع وصل لأمن الجامعة
شهقة عالية خرجت من ليالي مع إتساع حدقة عيناها مما يُوحي إلي إنزعـ.ـاجها بشدة وهتفت بإرتياب:
-إنتِ بتقولي إيه يا سيلا؟
زفرة الفتاة بقوة وبدأت تروي علي مسامع والدتها ما بدر من ذاك المستفز وأوصلها إلي قمة إستفزازها منه وأجبـ.ـرها علي الرَد عليه ومبادلتهُ التهديد واللعـ.ـن
هتفت ليالي مُعـ.ـنفةً لصغيرتها:
-ليه عملتي كدة،مش بابا قال لك تتجنبي الولد ده خالص وما تديلوش أي فرصة في إنه يفتح معاكي كلام؟
تذمرت الصغيرة ودبت بساقيها علي الأرض في حركة تدل علي مّدي غضـ.ـبها وهتفت بإنزعاج:
-هو اللي وصلني لكدة يا مامي،ما قدرتش أمـ.ـسك لساني قدام إستفزازه ليا وغروره وهو بيكلمني
