قلوب حائرة ١١ج٢ روز آمين
لم تنظر إليه،فقط إكتفت بإخراجها لتنهيدة حَـ.ـارة من داخل أعماق صـ.ـدرها،سحب مقعداً وجاورها الجلوس وتسائل من جديد:
-مالك يا نرمين؟
أنا ملاحظ فى الفترة الآخيرة إنك دايماً قاعدة هنا لوحدك وسرحانة،ده أنتِ حتى ما بقتيش بتروحى الڤيلا تجهزى معاهم الفطار زى عادتك
حولت بصرها إليه وتحدثت بنبرة صوت يملؤها الإحباط:
-كويس إنك أخدت بالك من حاجة تخصنى يا سراج
ضيق عيناه بإستغراب وسألها مستفسراً:
-فيه إيه يا نرمين،إنتِ ليكِ مُدة متغيرة معايا ليه؟
ليكِ فترة يا إما قاعدة هنا لوحدك،يا عند يُسرا أو مامتك وبتتجنبي القُعاد معايا
إعتدلت بجلستها وكأنها كانت تنتظر تلك اللحظة فتحدثت بصياحٍ عالى وإنفـ.ـجار:
-إنتَ إمتى كُنت موجود علشان أقعد معاك؟
واسترسلت بنبرات معترضة:
-ده أنتَ بتقوم من النوم على شُغلك،ترجع منه تتغدى وتدخل تنام وبعدها تقوم تشرب قهوتك وتروح تقعد مع عمى عز وعمي عبدالرحمن لحد بعد المغرب،وبعدها ترجع هِنا علشان تتعشي وتروح عند ماما تشرب معاها القهوة وتكمل سهرتك
واستطردت بنظرات غاضـ.ـبة:
-وبعد ما تشرب قهوتك ترجع لى علشان تنام بدري وتصحى فايق لشُغلك،وكأن البيت بقى عبارة عن لوكاندة لأكل ونوم وخدمة سيادتك!
كان يستمع إليها بعيناي مُتسعة مُتعجباً لنوبة الغـ.ـضب الشديدة التي إنتابتها وتملكت منها،تحدث بإسلوبٍ لبق ووتيرة صوت هادئة كي يمتـ.ـصّ غضـ.ـبها:
-إنتِ شكلك واخدة على خاطرك منى قوى،هو أنا للدرجة دى مزعلك يا نرمين؟!
إغرورقت عيناها وتلألأت بداخلها حبات الدموع وتحدثت بهدوء نتيجة تهذيبهُ العالى:
-المُصيبة إنك حتى مش عارف إذا كُنت مزعلني ولا لا يا سراج
واسترسلت بدموعها التي تُقطّع نياط القلب:
-ده إنتَ لا شايفنى قدامك ولا حتي حاسس بوجودى
بسؤال خرج مُتألـ.ـماً من داخل قلبها أردفت بعيناى حزينة:
-تقدر تقول لى أنا إيه بالنسبة لك يا سراج؟!
مـ.ـراتى وحبيبتي وأم إبني…جُملة حنون نطق بها ذاك المُهذب
وأسترسل موضحاً:
-أنا حبيت أهلك وأعتبرتهم أهلي وعيلتي التانية من شدة حبي ليكى يا نرمين،يمكن أكون مابعرفش أعبر عن اللي جوايا بشكل كويس،لكن والله بحبك
واسترسل شارحاً لها شخصيته:
-أنا راجل عادي جداً،بتعب في شُغلي وعاوز أرجع بيتي أرتاح مع مـ.ـراتى وأولادى،مش عاوز من الدُنيا غير إنى أعيش فى هدوء ومن غير مشاكل،ويمكن دي أكتر حاجة شدتني لعيلتك وخلتني أحب صُحبتهم،عمك عز وعبدالرحمن ووالدتك بيوصلونى للسلام النفسي اللي عيشت طول عمري بدور عليه
