ياسين ونادين

— حتى لو ده معناه تسرقني

 

— كنت فاكر إنك هتسامحيني

 

نادين قربت منه

 

— إنت عمرك ما كنت شايفني بنتك

 

— كنت شايفني مفتاح لخزنة جدك

 

محمود نزل راسه

 

عبد الحميد فتح درج قديم وطلع فلاشة صغيرة

 

— فيه حاجة لازم تسمعوها

 

ياسين وصل اللابتوب وشغّل التسجيل

 

طلع صوت حسن عبد الرحمن واضح رغم إن التسجيل قديم

 

— لو التسجيل ده وصل لنادين يبقى أنا غالبًا مت

 

— أنا كتبت وصيتي بإيدي

 

— وكل أملاكي هتروح لنادين لأنها الوحيدة اللي وقفت جنبي من غير ما تطلب حاجة

 

— محمود مش ابني بالدم لكنه ابني بالقلب

 

— وأنا عارف إن جابر هو أبوه الحقيقي

 

— وعارف إنه سرق فلوس من الشركة

 

— وعارف إنه حاول يق*تلني لما هددته إني هبلغ عنه

 

صوت حسن اتقطع لحظة وبعدين رجع

 

— لو حصل لي حاجة يبقى جابر هو المسؤول الأول

 

— لكن لو جابر اختفى أو مات يبقى دور محمود لازم يتراجع

 

نادين بصت لمحمود

 

— يعني جدي كان شاكك فيك

 

عبد الحميد رد

 

— كان شاكك إنك هتخاف وتخبي الحقيقة

 

التسجيل كمل

 

— يا نادين لو أبوكي حاول يبيع البيت أو يضغط عليكي

 

— ما تثقيش فيه

 

— وخلي بالك من سهير

 

— لأنها عرفت كل حاجة وسكتت

 

— أنا سايب لك مستندات تثبت ملكيتك

 

— وسايب لك تسجيل تاني لو حصل أي تزوير

 

التسجيل وقف

 

ريهام كانت بتبكي بصمت

 

نادين بصت لها

 

— ليه ما قولتيليش

 

— حاولت

 

— كل مرة كنت بفتح بُقي أبويا كان بيهددني

 

— قال لي إنه هيبلغ عن الديون ويخليني أدخل السجن

 

— وقال لي إنك هتكرهيني لو عرفتي إني شاركت

 

نادين ردت بقسوة

 

— أنا فعلًا كرهت اللي عملتيه

 

— بس لسه مش عارفة أكرهك إنتي ولا لأ

 

فجأة موبايل محمود رن

 

بص للشاشة واتغير لون وشه

 

نادين لاحظت

 

— مين

 

محمود ما ردش

 

عبد الحميد مد إيده وخد الموبايل

 

— الرقم ده بتاع مين

 

محمود حاول ياخده

 

— سيبه

 

ياسين وقف قدامه

 

— محدش هياخد حاجة

 

الموبايل رن تاني

 

عبد الحميد فتح السماعة

 

صوت راجل خشن طلع من الناحية التانية

 

— إنت فتحت الخزنة يا محمود