ياسين ونادين

 

كان نايم وتعبان

 

أول ما شافها فتح عينيه

 

— جابر اتقبض عليه

 

— أيوه

 

— والملف

 

— مع المحامية

 

— والشرطة عرفت كل حاجة

 

محمود غمض عينيه

 

— حسن كان يستاهل إني أحميه

 

نادين قعدت جنبه

 

— كان يستاهل إنك تقول الحقيقة

 

— وأنا عارف

 

— بس أنا مش هقدر أرجع الزمن

 

نادين بصت له طويلًا

 

— ولا أنا

 

— بس لو عايز تصلح حاجة

 

— قول الحقيقة قدام المحكمة

 

محمود هز راسه

 

— هقول

 

— حتى لو ضيعت كل حاجة

 

— إنت ضيعت كل حاجة من زمان

 

خرجت نادين من المستشفى وهي حاسة إن حمل تقيل بدأ ينزل من على صدرها

 

بعد أسبوع انعقدت أول جلسة

 

جابر اعترف بج*ريمة ق*تل حسن عبد الرحمن

 

واعترف إنه هدد محمود وسهير

 

ومحمود اعترف إنه أخفى تقرير الوفاة ودفع لجابر أموالًا من حسابات الشركة

 

وسهير اعترفت بالتوقيع المزور

 

وريهام اعترفت بدورها في محاولة بيع البيت

 

أما المحامي شريف فتم القبض عليه بعد ما ظهرت التحويلات والتسجيلات

 

الوصية الأصلية اتراجعت واتثبتت صحتها

 

والبيت في شبرا رجع رسميًا باسم نادين

 

والفلوس اللي اتسحبت من الشركة اتردت بعد حصر الحسابات

 

نادين ما باعتش البيت

 

رممته وخلته مركز صغير لتعليم الأطفال المحتاجين

 

وكتبت على الباب اسم جدها

 

حسن عبد الرحمن

 

ياسين فضل جنبها طول الوقت

 

ولما سألها يوم الافتتاح

 

— إنتي لسه شايفة إن العيلة معناها دم

 

نادين بصت للمكان اللي كان مليان أطفال وضحك

 

— لأ

 

— العيلة معناها مين يقف جنبك وقت الحقيقة

 

— مش مين يفضل جنبك طول ما إنت ساكت

 

ياسين ابتسم

 

— وأنا

 

نادين بصت له

 

— إنت اخترت تقف جنبي وأنا كنت مكسورة

 

— يبقى إنت عيلتي

 

بعد شهور خرج محمود بكفالة لحد ما تخلص المحاكمة

 

لكنه ما رجعش يعيش في بيت نادين

 

راح عاش في شقة صغيرة وبدأ يشتغل من جديد

 

وسهير بقت تزورها كل أسبوع

 

لكن نادين ما رجعتش تثق فيها بسهولة

 

أما ريهام فبدأت علاج نفسي وسددت جزء من ديونها واشتغلت في جمعية خيرية

 

كانت كل مرة تشوف نادين تقول لها

 

— أنا مش طالبة تسامحيني دلوقتي