ياسين ونادين

 

— أنا مش قادرة أصدق أي حد

 

ياسين مسك إيدها

 

— عشان كده هنسمع كل واحد لوحده

 

الباب اتفتح بعنف ودخلت ريهام وهي لابسة هدوم السفر ووشها شاحب

 

أول ما شافت الورقة في إيد نادين وقفت مكانها

 

— إنتي فتحتي الخزنة

 

نادين ردت

 

— أيوه

 

ريهام بصت لمحمود

 

— إنت قلت لها

 

— ما قالتش حاجة

 

نادين قربت منها

 

— إنتي كنتي عارفة إن جدي اتق*تل

 

ريهام بدأت تعيط

 

— أنا عرفت من شهرين

 

— وعرفتي إن أبوكي كان آخر واحد شافه

 

ريهام هزت راسها

 

— أيوه

 

نادين صرخت

 

— وسكتي

 

— كنت خايفة

 

— كل واحد فيكم خايف

 

— وأنا الوحيدة اللي اتضحك عليا

 

ريهام قربت منها

 

— أنا ما كنتش عايزة أبيع البيت

 

نادين بصت لها باستنكار

 

— أمال الأوراق اللي مضيتي عليها كانت إيه

 

— أبويا قال لي إن البيت عليه ديون وإن لو ما بعناهوش هنخسر كل حاجة

 

— وقال لي إنك هتوافقي لما تعرفي الحقيقة

 

— كدب عليا

 

— ولما عرفت إن البيت باسمك وإنه ملكك لوحدك حاولت أرجع في كل حاجة

 

نادين رفعت الورقة قدامها

 

— وإنتي مضيتي بدل مني

 

ريهام انهارت

 

— أيوه

 

— مضيت

 

— بس ما كنتش أعرف إن التوقيع هيستخدموه عشان يبيعوا البيت

 

— كنت فاكرة إن دي ورقة موافقة على تسوية الديون

 

ياسين سألها

 

— مين اللي قال لك تمضي

 

ريهام بصت لمحمود

 

— أمي

 

نادين حسّت إن الأرض بتتحرك تحت رجليها

 

— أمي

 

ريهام مسحت دموعها

 

— ماما كانت بتقابل المحامي شريف من ورا أبوكي

 

— وكانت عارفة إن فيه وصية أصلية

 

— وكانت عارفة إن جدك سايب البيت ليكي

 

— بس هي كانت عايزة تضمن إن الفلوس تروح لريهام

 

نادين بصوت مبحوح

 

— ليه

 

ريهام بصت لها

 

— عشان أنا كنت غرقانة في الديون

 

— كنت ماضية شيكات بمبالغ كبيرة

 

— ناس كانت بتهددني

 

— وماما قالت إن بيع البيت هيحل كل حاجة

 

نادين بصت لمحمود

 

— وإنت كنت موافق

 

محمود ما ردش

 

نادين صرخت

 

— رد عليا

 

— كنت موافق

 

— كنت عايز تبيع بيت جدي عشان تسدد ديون بنتك

 

— أيوه