جوزي طردني من المستشفى
التشابه في العلامة كان واضح بشكل يخوف. لكن أنا كنت عارفة إن العلامة لوحدها مش دليل على أي صلة قرابة. كان لازم أفهم إيه اللي حصل. رجعت الصالة وأنا ماسكة الظرف. حسام أول ما شافه، وقف. حماتي شهقت. — يا نهار أبيض… لقيتيه! بصيتلها بحدة.
— أيوه لقيته! وإنتِ هتقوليلي دلوقتي إيه علاقتك بالملف رقم 47! حسام بص لأمه بصدمة. — إنتِ تعرفي الرقم ده؟! حماتي بدأت تعيط. — أنا عملت كل حاجة علشان خاطرك يا ابني! زعقت فيها: — علشان خاطره إزاي؟! بتلعبوا في حياة الناس وتقولوا علشان خاطره؟! حسام مسك راسه بإيديه.
— أمي قالتلي إن الدكتور هيستخدم عينة محفوظة تخصني من قبل العلاج، وإن ده إجراء طبي عادي. بصيتله. — وإنت صدقتها؟! قال: — أنا كنت يائس يا مريم، والدكتور أكدلي إن كل حاجة قانونية. قلتله: — وإنت ليه مخبيت عليا؟! سكت. قربت منه. — رد!
قال بصوت واطي: — علشان كنت خايف تسيبيني لما تعرفي إن فرصتي في الإنجاب ضعيفة. اتخنقت من القهر. — يعني كنت مستعد تخدعني في أهم حاجة في حياتي، بس علشان متخسرنيش؟! بقلم الكاتبة أسما السيد — حصري — اسم الأم في شهادة ميلاد البنت مريم عبد الرحمن السيد… يعني اسمك إنتِ يا مريم!
الجملة دي قالها المحامي وهو بيحط شهادة الميلاد قدامي، وأنا واقفة شايلة بنتي ليان، وببص للورقة كأني بشوف كابوس مش عارفة أصحى منه! إزاي أبقى أم لطفلة عندها خمس سنين وأنا لسه والدة أول بنت ليا من تلات أيام؟!
وإزاي حماتي تسجل طفلة مخطوفة باسمي واسم جوزي، وتخبيها كل السنين دي؟! والأهم من ده كله… إيه علاقة بنتي الرضيعة بالطفلة ياسمين اللي اختفت من حــ,,ـــــضن أمها من خمس سنين؟! بصيت لسلمى الرفاعي اللي كانت قاعدة جنبي، ووشها غرقان دموع.
قالت بصوت مكسور: — يعني بنتي عايشة طول السنين دي، وأنا بدور عليها في كل حتة، وفي الآخر ألاقيها متسجلة باسمك؟! قربت منها ومسكت إيدها. — والله العظيم يا سلمى، أنا معرفش أي حاجة عن اللي حصل! ولو كنت أعرف إن ياسمين بنتك، مكنتش سكت لحظة واحدة! سلمى بصتلي، وبعدين بصت لبنتي.
ولو كنت أعرف إن ياسمين بنتك، مكنتش سكت لحظة واحدة! سلمى بصتلي، وبعدين بصت لبنتي. — أنا مصدقاكي يا مريم… أختك ندى ضحت بحياتها علشان تساعدني، ومستحيل أصدق إن أختها تشارك في جر\يمة زي دي. المحامي عادل قاطعنا: — لازم نتــ,,ـــــحرك بسرعة، بس من غير تهور.
