قلوب حائرة ٣٣ ج٢ روز آمين

أجابها وهو يقتطع بالشوكة والسكينة من شريحة اللحم المتواجدة بداخل صحنه:
-بألف هنا يا حبيبي

إبتسمت له وشكرته بعيناها ثم إقتطمت قطعة من اللحم وتحدثت إلي أسما:
-لينا فترة ما أتجمعناش علي الأكل في البيت بسبب الشغل ودراسة الولاد وتمريناتهم

واستطردت بحنين:
-حقيقي كانت وحشاني اللمة واشتقت لها جداً

تحدثت أسما مؤكدة علي حديثها:
-فعلاً يا فيري،لمتنا وحشتني قوي

تحدث علي غلاب إليها بفكاهة:
-هانت خلاص يا باشمهندسة،الأجازة الصيفية قربت وهننزل نقضي أجازتنا في مصر،وخدي عندك شهر ونص بحالهم تجمعات وخروجات لحد ما هتزهقي

بنبرة حماسية عقبت أسما علي حديث زوجها:
-أنا عن نفسي مستنية الاجازة تيجي علي نار،نفسي أتكلم مصري مع ناس غيرنا بقي

هتفت الصغيرة قائلة ببرائة:
-إحنا إتكلمنا مصري مع الضيف اللي إتعشي معانا إمبارح بالليل

بغيرة شاعلة رمقها الفتي بنظرة حادة متوعداً إياها علي جلوسها والحديث مع أحدهم حتي من قبل أن يستمع لتفاصيل الحكاية،مما جعلها ترتعب وتعض أصابعها ندماً علي ما تفوهت به أما