بدايه جديده
انتفضت من الخوف و قالت: أسر ،انت جيت امت
استغرب أسر و سال: مالك مخضوضة كده ليه
سلوى بتوتر: عادي يا اسر ده مش معاد رجوعك و انا عارفة الولاد نايمين فخوفت أما سمعت صوت..
رغم أن اسر مش مصدقش الكلام بس عمل أنه مصدق، فقال : طيب عملتي اكل.
لعبت في شعرها بدلال و قالت: لا معملتش مقدرتش اعمل
نفخ بضيق و قال: حرام عليكي يا سلوى انا مش بصعب عليكي ،طول اليوم في الشغل و عايز لما ارجع البيت القي لقمة نظيفة، انتي تعبانة من ايه و انتي طول النهار قاعدة على التلفيون حتى شغل البيت بتجبي واحدة تعمله،،يبقي تعبانة من ايه؟
زعقت بصوت عالي: انا تعبانة من خدمتك و خدمة عيالك ، اطلب اكل من برة
اسر: لا انا هاخد ولادي و ناكل برة.
سلوى: احسن برضو
نزل أسر و ولاده أكلوا برة و حاول أسر يعوضهم عن غياب الأم رغم أنها معاهم في نفس البيت
أما سلوى: كملت كلام و قالت: انا زهقت من العيشية دي و عايزة اطلق
كريم: خليكي عاقلة لو اتطلقتي مش هتلاقي حد يصرف عليكي فلوس زي أسر، ده عبيط و بيسمع كلامك
ضحكت بسخرية على جوزها و قالت: عندك حق يبقي استحمل أسر علشان الفلوس..
/////////
بعد فترة
رجع أسر من الشغل و الشك خله يفتح تلفيون سلوى و شوف الواتساب و كانت الصدمة:
شاف شات بينها وبين كريم،جارهم في العمارة و الكلام يصدم
سلوى: وحشتني ،عامل ايه
كريم: بخير علشان سمعت صوتك
سلوي : انا زهقت من جوزي مش حاسس بيا،ياريتك كنت جوزي.
بعد الجملة دي مقدرش يكمل قراءة ،بس شاف
صور ليها بلبس البيت،يعني العلاقة اتطورت بينهم لمنطقة وحشة.
الدنيا اسودت في عينه
مش عشان الغيرة بس، لا عشان احساس إن البيت اللي طالع عينه عشانه طلع مبنبي من ورق و في لحظة اتهد على دماغه.
خرجت من الحمام ،كان بيان عليه الغضب،بس بكل ببرود سال: ايه ده يا سلوي
الغريبة أن سلوى رددت بمنتهي البرود:
“آه بكلمه يا اسر،، وايه يعني؟ انت السبب في كده، انت مش مهتم بيا و طول الوقت مشغول في الشغل، منتظر مني اعمل ايه، هو بس اللي بيحس بيا،، انت لو كنت فاضي كنت لقيتني فضفضتلك بس انت على طول مشغول و تعبان
اسر بصدمة: انتي معندكيش دم ، انا مشغول في الشغل علشان اكفي مصاريفك و مصاريف الشغالة اللي تجي تنضف البيت و مصاريف الدليفري علشان انتي مشلولة و مش بتعملي حاجة في البيت.
