بدايه جديده

سدرة : اعمل لنفسك ،انت مش صغير

قام خالد علشان يعمل الحاجة اللي شاطر فيه، و رفع أيده عليها بس هي مسكت أيده و قالت : اوعي تفكر تمد ايدك عليا تاني، انت فاهم ،انت مش جوزي انت عدو ليا ،دمرتني و دمرت نفسيتي ،طلقني احسن لك

خالد اتجنن و حاول يضربها بس هي هجمت عليه و خربشته في وشه و صرخت و هي بتقول: لو قربت مني تاني هبلغ عنك و اقول يضربني انا و العيال.

خالد مقدرش ينكر أنه خاف من ردة فعلها ،بس حاول يبان القوة لما قال:
“لو طلبتي الطلاق يا سدرة، هاخد العيال ومش هتشوفيهم طول عمرك،اخر زيارة ل الدكتورة قالت انك غير سوية نفسينا ،و عندي ادالة كتير تثبت انك غير أمينة على الأطفال

ضحكت بحزن و قالت: انت ظهرت في حياتي ليه، علشان تدمرها اكتر ما هي كانت مدمرة، تماما يا خالد مش هطلق، بس احنا كل حاجه انتهت بينا و عايشين بس علشان الاطفال ،علشان انا طاقتي خلصت و قرفت منك و من أهلك ،أهلك دول لو بيموتوا مش هبص عليهم حتي انت عيش معاهم تحت و فكر تضايقني انت او هما.

شدت شعرها بجنون و بصت بصة تخوف و قالت: هولع في البيت و هنموت انا و انت و الولاد و امك و اخواتك و كده نرتاح كلنا، و طبعا لو انا عاشت مش هاخد ساعة واحدة اصل غير سوية نفسينا و الأدلة ثبت اني مجنونة رسمي.

خاف خالد أنه يهد البيت ،فقال بندم: انا اسف يا سدرة، سامحيني أنا عارف إني السبب في خراب البيت ، و عارف إني اتعاملت معاكي غلط، كنت مستهون بالموضوع،،بس دلوقتي انا فوقت و هصلح كل اللي حصل ، و البيت اللي اتهد بسببي انا اللي هحل المشاكل و هروح معاكي جلسات الدكتورة، علشان اعرف اتعامل معاكي كويس.

بعد كل الكلام ده ،قالت سدرة بصوت واطي بس ثابت: أنا عايزة الطلاق، كل الفرص خلصت ، مبقاش ينفع نكمل مع بعض ، خلصت كده.

خالد بتهديد: هاخد العيال.

ضحكت ضحكة توجع وقالت: طيب لو راجل فكر تقرب من عيالي و انا اخلص عليك، انا هاخد ولادي من هنا و امشي لحتة بعيدة، أنا هتعالج من اول و جديد وهشتغل و هعيش أنا و ولادي و ندور على الامان ، و خدها مني كلمة رغم اني لوحدي بس هقدر على التحدي و المواجهة، طلقني احسن لك ..

خالد بلع ريقه بتوتر و قال: انتي طالق يا سدرة، طالق ، سامحيني على كل حاجه عملته فيكي..

سدرة: في داهية يا عرة الرجالة، و مش مسامحك على ظلمك ليا. .