بدايه جديده

سدرة خدت حاجتها و حاجة ولادها و خرجت من البيت على إسكندرية
//////(
في اسكندرية

وصلت سدرة ولادها فريد و فرح عند خالتها

قالت سدرة بدموع: انا ملقتش مكان اروح فيها غير هنا ،امي مش عايزني ،و خلاص معنديش طاقة اكمل في جوزة فاشلة زي دي انا تعبانة و محدش حاسس بيا.

طبطبت خالتها عليها و قالت: غلطانة يا سدرة ،انا بيتي مفتوح طول الوقت المفروض كنتي جيتي اول ما لقيتي نفسك مش قادرة ،مش هنتكلم في الماضي ،البيت مفتوح ليكي و لا اولادك و انا عايشة لوحدي

سدرة: ربنا يخليكي ليا يا خالتي، انا اول حاجه اعملها لازم ادور على شغل و اتابع مع الدكتورة النفسية علشان أتحسن و كمان اشوف مدرسة ل الولاد

نجلاء: انا هكون جنبك طول الوقت.

//////
و من هنا كانت بداية جديدة ل سدرة.
/////////(
و بنرجع من فلاش باك

كملت سدرة: و الباقي انت تعرفوا ،اشتغلت في مصنع الملابس اللي انت كنت شاغل فيه مدير حسابات و من هناك اتعرفنا على بعض.

مسك ايديها و قال بحنان: انتي شوفتي كتير اوي

سدرة: الحمد لله على كل حال ، بس علشان كده انا كنت مصرة اعرفك كل حاجه قبل الجواز و انت رفضت،و قولت مهما كان ماضيك انا متقبله

آسر: و انا عندي كلامي متقبل الماضي بتاعك

سدرة: طيب دلوقتي دورك عندي فضول اعرف تجربتك الاولى.

اسر: بصي يا ستي الحكاية بدأت اني حبيت بنت الجيران سلوى و عشت احلم بيها ليل و نهار، الأمور مشيت زي المعتاد طلبت ايديها وافقت وعدتها اكون جنبها ديما ،و اوفر لها كل احتياجاتها،و اللى عملته فيا صدمني.

سدرة بفضول: عملت ايه ؟
/////////
و بنرجع فلاش باك علشان نعرف حكاية أسر مع مراته الاولى

بعد الجواز ب خمس شهور

سلوى: عندي ليك خبر حلو

اسر؛ قوليلي يا وش الخير

سلوى: انا حامل

اتصدم أسر من الفرحة و فال: بجد يا سلوى يعني هكون اب

سلوى: أيوة يا حبيبي،قولي بقي نفسك في بنت او لا ولد

اسر: ولد او بنت كله خير، المهم يتولد كويس

سلوى: أن شاء الله يا حبيبي

و عدت الايام و سلوى خلفت حمزة و بعده حور و انشغل أسر في الشغل علشان يكفي مصاريف البيت، و سلوى بدل ما تقدر ده شافت أنه انشغل عندها و بقت تكلم واحد جارهم على الواتس بحجة الفضضة علشان جوزها مشغول عنها..

//////////
في يوم من الايام ،رجع أسر بدري على غير العادة من الشغل، دخل الاوضة علشان يلاقي سلوى ماسكة التلفيون و بتضحك ،سال : بتكلمي مين؟