بدايه جديده
في شقة راقية في محافظة الإسكندرية.
بيدخل أسر و هو لابس بدلة عريس و معها عروسته (سدرة )و معاهم أربع أطفال.
العيال عاملين دوشة،صرخ فيهم أسر و هو بيقول: بس مش عايز اسمع صوت حد فيكم،يلا كلوا على الاوضة
قالت سدرة بهدوء : لو سمحت اهدأ يا اسر،و خلينا نتكلم معاهم بهدوء.
مشيت سدرة شوية و وقفت قدم الاوض و قالت: الاوضة اللي على اليمين اوضة البنات ،و الاوضة اللي على الشمال اوضة الولاد
فرح( عندها ٩ سنين: قالت : بس انا عايزة اوضة لوحدي
زعقت حور( ١٠) و هي بتقول : انا كمان مش عايزة انام مع حد
و اتكلم فريد( ١٢ سنة): و انا طول عمري بنام في اوضة لوحدي
رد عليه حمزة( ١١ سنة) انا بقي عاشق للخصوصية
تتنهد أسر و قال: احنا عايزين قعدة طويل، وراءي على الصالون
قعدوا الولاد و أسر و سدرة واقفين قدمهم،اتكلم أسر بجدية: من النهاردة مفيش أنا، في احنا، يعني انتوا الأربعة اخوات و هاتخافوا على بعض
كملت سدرة : بصوا يا ولاد ،انا فاهمة انكم مش متقبلين و مستغربين الوضع ده، بس احنا دلوقتي عيلة كبيرة و هنكمل بعض انا مش ام فريد و فرح بس، و لا أسر ابو حمزة و حور بس ،لا أنا امكم كلم و أسر ابوكم كلكم احنا هنا عيلة واحدة، و كلنا لازم نساعد علشان العيلة دي تنجح
سكتوا الولاد محدش فيهم رد،
فقال آسر: فرح و حور على الاوضة كل واحدة ليها دولاب صغيرة و سرير ، و نفس الكلام الشباب يلا على الاوضة .
دخلوا الولاد و البنات و اتكلمت سدرة::شكل الموضوع صعب
اسر: هنحاول مع بعض
سدرة: يارب
ابتسم أسر و قال: سيبك انتي ايه الحلاوة دي
ابتسمت بخجل من غير رد، قرب علشان يحضنها خرجت فرح و هي بتقول: ماما تعالي شوفي حور
نفخت سدرة و قالت: انا هدخل للبنات و انت ادخل للاولاد
بعد ساعة كاملة
خرجت سدرة من الاوضة لقت أسر قاعد في الصالة سالت: نهيت الموضوع من غير مشاكل
اسر: الحمد لله
قعدت سدرة قدمه و قالت: اللي جاي صعب و احنا عارفين كده لازم يكون نفسنا طويل
اسر: أن شاء الله
///////
بعد شوية كانوا غيروا هدوهم و قعدوا يشربوا شاي في البلكونة
سدرة : انت رفضت تسمع تجربتي مع جوزي الاول و قولت مش فارق معك تعرف، و انا كمان قولت اعرف تجربتك الاولى بعد الجواز، و انا شايفة علشان نكون على نور لازم تعرف حكايتي مع ابو العيال و انا اعرف حكايتك مع أم العيال.
