بدايه جديده
حكمة: لا يا حبيبتي انا بناتي ميعملوش حاجة،انتي اللي تعملي و هما يقعدوا هوانم
زعلت سدرة و كان نفسها تكون امها زي حكمة اللي بتحب بناتها.
و دخلت تكمل الاكل بحزن
بعد شوية على الغداء
نور: ليه الأكل ناقص ملح؟
سدرة : معلش المرة الجاي اظبط الملح.
بصت سها على هدوم فريد و قالت: الود هدومه مش نظيفة
سدرة : انا طول اليوم مشغولة ،لما اخلص اطلع اغير له.
حكمة:قومي هاتي رز
سدرة: الرز قدمك اهو، لو سمحتي انا إنسانة و طول اليوم تعبانة في شغل البيت ،عايزة اكل لقمة ،لو محتاجة حاجة اطلبي من سها و نور
نور: ماما قالتك ايه الصبح
سها: هي سدرة كده مش بتفهم
بصت سدرة على خالد أنه يتكلم بس هو كان ساكت فقامت بهدوء جابت الرز و تخدم عليهم و هي عايشة معاهم في جحيم.
عدت سنين خلفت سدرة فرح ،و لسه الحال زي ما هو سدرة تتعذب من حماتها و اخوات جوزها و الاسوء معها هو جوزها لحد ما اتدهورت حالتها النفسية
سدرة بهدوء: خالد للمرة المليون بطلب منك تغير معاملتك معايا، انا تعبت من كل حاجه، منك و من امك و اخواتك.
خالد بعصبية: انا اللي تعبت و زهقت منك، شوفي حل في نفسك علشان انا جبت اخري
سدرة: انت بتعايرني بمرضي
خالد: زي ما تفهمي بقي
و دخل خالد الاوضة و بدأت كل الذكريات تخطر على بالها، كلمت نفسها: امي بتكرهني و مش عايزني، جوزي امي عذبني و سرق مني طفولتي و شبابي، حتي الراجل اللي افتكرته هيكون سند ،طلع اسوء منهما ،شايفني بتدلع و مش تعبانة و علشان تكمل امه و اخواته يعاملوني اسوء معاملة، و هنا لازم اسال نفسي انا عايشة ليه، انا اللي زي لازم يموت.
و في لحظة ضعف و غايب عن الوعي، دخلت المطبخ مسكت الولعة و ولعت في فستانها
خرج فريد و شاف امه كده، صرخ و هو بيقول: ماما ،يا ماما، انت فين يا بابا
خرج خالد من الاوضة ، و جري عليها و طفي الولعة قبل ما تمسك في هدومها.
قعدت سدرة على الأرض و هي بتعيط وتقول: أنا تعبت،،و مش قادرة أتحمل تاني كل حاجه بتضغط عليا ،طلقني يا خالد،طلقني
خالد خاف عليها و صعبت عليه،بس الخوف راح و رجع لنفس المعاملة، و كمان ساكت ل امه و اخواته.
بس اللي اتغيرت هي سدرة اللي قررت تاخد حقها منهم لحد ما يزهق و يطلقها.
////////
في شقة خالد
خالد: سدرة فين الشاي
خرجت من الاوضة و قالت: معملتش شاي
خالد: ليه
