بدايه جديده

اسر:: و هي دي حكايتي لحد النهاردة اليوم اللي اتجوزتك فيكي..

سدرة بحزن: انا فاكرة اني حياتي صعبة، بس طلعت حياتك اصعب، احنا ظروفنا متشابهة و لازم و غصب عننا نبدا من جديد علشان الأولاد.

اسر: انا و انتي ها ندعم بعض و نعدى المرحلة الصعبة دي

سدرة : أن شاء الله،يلا بقي ننام علشان نصحي بدري علشان المدراس

اسر: يلا يا سدرة و يارب يهدي العيال..

سدرة: يارب..
///((((
تاني يوم

دخلت سدرة اوضة البنات و قالت: فرح، حور ،يلا بنات علشان المدرسة

حور: عايزة انام خمس دقائق

سدرة: قومي حور علشان المدرسة ،مفيش خمس دقائق ،يلا بسرعة

و قعدت جنب فرح و قالت: يلا يا فرح اخلصي….

خرجت سدرة و هي بتقول: خمس دقائق و تكونوا جاهزين

و دخلت اوضة الولاد، و قالت: انتوا كمان لسه نايمين ،يلا ولاد ،هتاخروا على المدرسة…

فريد: ماما مش احنا كان عندنا فرح امبارح ،يبقي النهاردة إجازة

سدرة: قوم يا خفيف و بطل استظراف

فريد: حاضر

سدرة : يلا يا حمزة

خرجت سدرة تحضر الفطار و الاولاد و أسر يجهزوا

و بعد شوية اتجمعوا على السفرة

اتكلم أسر بهدوء::اكرر كلامي تاني احنا عيلة واحدة و هنتعامل على الأساس ده ،يعني مفيش مشاكل و لا مقالب..

الأولاد أكدوا على كلام أسر بس الظاهر أنهم ناوين يعملوا عكس كلام أسر.

بعد الفطار ،خرجوا الولاد و أسر.

و سدرة شافت شغل البيت و حضرت الغداء و هي بتقول: يارب تكون جوزة الخير ليا و ل اولادي و ل أسر و أولاده، يارب أنت عالم أننا عشنا حياة صعب، يارب يا كريم أكرمني بحياة سعيدة و هادية..
/////////
في مصنع الملابس

كان أسر على غير العادة بيضحك و مبسوط ،قرب منه واحد صاحبه و قال: انت مالك النهاردة

اسر: مالي

طارق: وشك منور و بتضحك على غير العادة،وشك ديما كان مكشر و الضحكة مخاصمك

اسر: مش عريس جديد، و ابعد عينك عني..

و مشي أسر و سابه
/////////
في البيت

رجعوا الولاد من المدرسة

في اوضة البنات

فرح شافت فستان حور على السرير،فبصت عليه بخبث و مسكت المقص و قطعت الفستان مية حتة،و خرجت على الصالة.

خرجت حور من الحمام و لقت الفستان كده، اتعصبت و خرجت من الاوضة على الصالة،و شدت فرح من شعرها ،صرخت فرح و قالت: ابعدي عني يا مجنونة

صرخت حور و هي بتقول: انا اللي مجنونة و لا انتي ،قطعتي فستاني ليه.

فرح: انا معملتش حاجة ابعدي عني.