بدايه جديده

حور: مش هبعد غير ما تجيبي فستان زي الفستان اللى اتقطع..

و البنات ماسكين في بعض ،كان الشباب يتخانقوا مين يدخل الحمام الاول

حمزة : انا هدخل الاول و ده اخر كلام عندي

فريد : لا معلش يا اخويا انا الاول

حمزة : ماشي ادخل

فريد : وقفت بسهولة كده

حمزة : اومال انا طيب اوي

استغرب فريد بس دخل و مجرد ما دخل اتزحلق و وقع على الارض بسبب الشامبو اللي حمزة رمه على الأرض ،صرخ فريد و قال: أما وريتك يا حمزة مبقاش انا

ضحك حمزة و قال: احسن تستاهل كنت خلتني ادخل الحمام الاول

قال فريد برجاء: طيب تعال قومني

ضحك حمزة و قال: كان غيرك اشطر انت عايزني اشدك و توقعني زيك

فريد: لا ذكي اوي.

قام فريد و خرج من الحمام و هو يتوعد ل حمزة

برة البنات لسه ماسكين في بعض و سدرة تحاول تفصل بينهم.

زعقت و هي بتقول: كفاية بقي ،ابعدوا عن بعض،ايه اللي حصل لكل ده؟

صرخت حور و قالت: قطعت فستاني

سدرة: طيب ابعدي يا حور و انا اوعدك هجبيلك حقك..

بعدت حور عن فرح و قالت: يعني هتقفي معي ضد بنتك

سدرة : احنا قولنا ايه الصبح، احنا عيلة واحدة و انتي بنتي زي فرح ، يلا احكوا اللي حصل.

قالت فرح: خرجت من الحمام لقيتها مقطعة فستاني

سدرة: عملتي كده ليه يا فرح

فرح: انا معملتش حاجة

سدرة بعصبية::بلاش تكذبي يا فرح

فرح: أيوة عملت كده بس كنت بهزر

سدرة: مفيش هزار كده بس تمام طالما هزر ،يبقي حور تختار فستان من عندك و تعمل زي ما عملتي ،و هيبقي هزر برضو، يلا يا حور ادخلي اختاري فستان

عيطت فرح و قالت: ايه يا ماما ،هتخليها تقطع هدومي

سدرة: انا معملتش حاجة، انتي اللي عملتي كده.

حور: خالص انا مش عايزة اعمل حاجه و مسامحها

و دخلت حور اوضتها

قالت سدرة: ادخلي يا فرح اعتذري ل حور..

دخلت فرح و هي حاسة بالذنب

وقفت فرح قدم حور و قالت بندم: أنا اسفة و قررت اسمع كلام بابا أسر و اعتبرك اختي

حور: و ده بجد و لا ناوية على حاجة تانية

فرح: صدقيني مش ناوية على ايه حاجة،انا هكون صريحة معاكي..

حور: اتكلمي

ظهر الحزن على وش فرح و قالت: انا مش وحشة ،و لا عايزة اكون كده، انا معرفش عملت كده ليه؟ يمكن خايفة، بصي يا حور انا عشت حياة صعبة بسبب بابا، ديما كان عنيف مع ماما و معايا أنا و فريد، حرفيا هو كرهنا في العيشة، انا فرحت لما عرفت أن ماما هتجوز علشان هي تستاهل الفرحة و كمان قولت يمكن جوز ماما يبقي اب ليا ،بس لما لقيتك انتي و فريد تتصرفوا معانا بعدواة ،فقولت العين بالعين