الطوفان بقلم سعاد محمد سلامة

ربتت على كتفها بتواضع قائلة:

هاجي، بس إنتِ أوعي تنسي تعزميني.

إبتسمت لها الاخري ونظرت لها بإمتنان وهي تُغادر تدعو لها أن يُسلي قلبها من الحُزن.

❈-❈-❈

ليلًا

بمنزل متوسط الحـ,ـجـ,ـم

كانت تجلس بتلك الرُدهة التى تطل على حديقة متوسطة تنظر نحو السماء شاردة إنتبهت حين سمعت:

ماما إيه اللى مسهرك لدوقتي الساعة قربت على واحدة ونص، حضرتك مش بتحبي السهر.

نظرت له ببسمة حـ,ـزينة قـ,ـائلة:

مش جايلي نوم، من وقت ما دُرة كلمتني عالموبايل وقالت إنها خلاص خلصت إجراءات نقلها من مستشفى القاهرة لمستشفى الرمد فى المنيا، قولت لها تچي فى القطر قالت إنها مش هتتحمل وقوف القطر الكتير،وهاتجي بعربيتها،حتى قولت لها الطُرق إختلفت،قالتلى هتشغل Gps،واللى يسأل ميتوهش.

إبتسم بألم يعلم سبب خوف والدته من مجئ دُرة الى هنا بعد عِدة شهور من مقـ,ــ,ـل والدهم وخطيبها،جلس جوار والدته يربت على يدها قائلًا:

متقلقيش يا ماما،دُرة مش هتوه عالطريق،فاكرة وإحنا صغيرين لما كانت بتروح لمكان كانت بتحفظه من أول مرة،وطالما هتجي بالنهار يعني الطريق هيبقي شغال متقلقيش وقومي نامي.

إبتسمت له بغـ,ـصة،هي لا تخـ,ـشي عليها من الطريق بل تخشي من مجيئها الى هنا بهذا الوقت،دُرة لم تحضـ,ـر العزاء ليس لمرضها كما إدعت بل لهدف برأسها،تخشي أن تكون تُفكر فى القصاص والثأر.

❈-❈-❈

بمنزل فخم وكبير مجاور لمنزل طوفان

لم تستطيع النوم لشعورها بالغضب والضجر،تقلبت كثيرًا فى الفراش مما ازعج ذلك النائم جوارها،نهض بغضب وأشعل ضوء الغرفة قائلًا:

“سامية”

بعدين فى الليلة اللى مش هتفوت دي مش هتتخمدي يا ولية فى ليلتك.

نهضت جالسة على الفراش تنبُر وتعوي قائلة بإستهـ,ـجان:

طبعًا إنت مش حاسس بإبنك المرمي فى الأحداث،وسمعت لحديت طوفان واد أختك وقبلت تجدم ولدي للمحـ,ـكمة وإتحكم عليه بالحبس،وأها بيجضي شبابه فى السچن،وإنت وواد أختك نايمين فى التكيف.

تنهد بغضب قائلًا بزم وإستهجان:

ولدك يستحق اللى جراله،وإحمدي ربنا لو مش طوفان كان زمانه إتعدم أو عيلة غُنيم ولا بدران جتلوه.

تهكمت بإستهزاء وإستقلال شأن قائلة:

هما اللى غلطوا فى ولدي، وبعدين هما عيلة بدارن حداهم رجالة،ولا واد كريمان عنده نخوة عشان ياخدوا بالتار.

نظر لها بإحتقار قائلًا:

متنسيش عيلة بدران أخو الجـ,ـتيل ظابط ويقدر يوصي زمايلة فى الداخليه على ولدك، فبلاش تتحدتي إكده جدام خد بلاش طبعك الاستفزازي، وكمان عيلة غُنيم مش شويه، متنسيش كلياتهم برهن إشارة من واد كريمان